स्वास्थ्य डायरी

काठमाडौं- औषधि व्यवस्था विभागले पर्सास्थित शुभलाभ फार्मालिंक प्रालिद्वारा उत्पादित सेफिट्रक्जोन इन्जेक्सनको बिक्री वितरणमा प्रतिबन्ध लगाएको छ। बजार अनुगमनको क्रममा विभागले उक्त कम्पनीद्वारा उत्पादन गरिएको ब्याच नम्बर N192403 को सेफिट्रक्जोन इन्जेक्सन गुणस्तरहीन रहेको निष्कर्ष निकालेको हो। त्यसैले औषधि ऐन, २०३५ को दफा १४ अनुसार औषधिको बिक्री, वितरण र प्रयोगमा रोक लगाइएको विभागले जानकारी दिएको छ। विभागले औषधि बजारबाट तत्काल फिर्ता गर्न र त्यसको विवरण पेश गर्न निर्देशन दिएको छ। साथै, सो औषधिको सिफारिस, बिक्री तथा प्रयोग नगर्न सबै सरोकारवालालाई आग्रह गरिएको छ।

चितवन- भरतपुरमा आयोजना गरिएको रक्तदान महोत्सवमा एक हजार ७१७ जनाले रक्तदान गरेका छन् । ब्लड डोनर्स सोसाइटी नेपाल चितवन शाखाद्वारा शनिबार आयोजित सो महोत्सवमा जिल्लाका सातवटै पालिकाका रक्तदाता सहभागी भएका थिए । सङ्कलित रगतमध्ये नेपाल रेडक्रस सोसाइटी प्रादेशिक रक्तसञ्चार केन्द्र भरतपुरले एक हजार ५३६ युनिट र भरतपुर अस्पताल ब्लड बैंकले एक सय ८१ युनिट रगत ‘स्टोर’ गरेका छन् । जुन १४ मा अन्तरराष्ट्रिय रक्तदाता दिवस पर्दछ । यही अवसर पारेर सोसाइटीले उक्त महोत्सव आयोजना गरेको हो । “उपचारका क्रममा रगत आवश्यक पर्दा अभाव हुने गरेको छ । तर रक्तदान गर्न मिल्ने धेरैले रक्तदान गरेको पाइँदैन । रक्तदानप्रति अग्रसर हुने सन्देश…

नवलपरासी – नवलपरासी (बर्दघाट–सुस्तापूर्व) को कावासोती–१६ डण्डास्थित मध्यविन्दु प्रादेशिक अस्पताल एक सय शय्यामा स्तरोन्नति भएको छ । जिल्ला अस्पतालका रूपमा १५ शय्याबाट सेवा सुरु गरेको अस्पताल गण्डकी प्रदेशको प्रादेशिक अस्पतालमा परिणत भएसँगै यही जेठ १२ गतेबाट एक सय शय्यामा स्तरोन्नति भएको शनिबार आयोजित पत्रकार सम्मेलनमा जानकारी दिइयो । अस्पतालका मेडिकल सुपरिटेन्डेन्ट डा रमेश आचार्यका अनुसार गण्डकी प्रदेशको मन्त्रिपरिषद् निर्णयबाट सय शय्यामा स्तरोन्नति भएको अस्पतालको दरबन्दी, जनशक्ति र पूर्वाधार गण्डकी प्रदेश सरकारबाट थप हुँदै जाने सहमति भएको छ । अहिले अस्पतालमा ९९ जनाको दरबन्दी रहेको भन्दै आचार्यले आगामी चार वर्षभित्र एक सय शय्यालाई आवश्यक पर्ने दरबन्दी थप गर्दै लैजाने सहमति भएको…

काठमाडौं— औषधिको मूल्य निर्धारण शिफारिस समितिको प्रतिवेदन सार्वजनिक भएपछि औषधि क्षेत्रभित्र तीव्र मतभेद देखिएको छ। एकातर्फ औषधि र स्वास्थ्य क्षेत्रका १० वटा संघसंस्था प्रतिवेदनविरुद्ध आन्दोलित छन् भने अर्कातर्फ नेपाल फार्मेसी संघले भने त्यसलाई आवश्यक र समयानुकूल पहलको रूपमा लिँदै सन्तुलित धारणा सार्वजनिक गरेको छ। नेपाल औषधि उत्पादक संघ, नेपाल औषधि व्यवसायिक संघ, नेपाल मेडिकल एशोसियसन, आयातकर्ता संघ, औषधि थोक व्यवसायी संघ, प्राइभेट अस्पताल संघ, आयुर्वेद औषधि उत्पादक संघ, पशुपंक्षी औषधि व्यवसायी संघ, रसायन तथा मेडिकल आपूर्ति संघ नेपाल र पशु चिकित्सक संघ लगायतले संयुक्त रूपमा विरोध कार्यक्रम थालिसकेका छन् । उनीहरूले औषधिका सम्पूर्ण सरोकारवालालाई बेवास्ता गर्दै र मन्त्रालयलाई समेत भ्रममा…

तुलसीपुर- दाङको तुलसीपुरस्थित राप्ती प्रादेशिक अस्पताल तुलसीपुरमा डायलासिस मेसिन बिग्रिएको एक वर्षभन्दा बढी भए पनि मर्मत हुन सकेको छैन । अस्पतालमा १४ वटा मेसिनमध्ये हाल पाँच वटा मेसिन बिग्रिएका छन् ।  नौ वटा मेसिन भने चालु अवस्थामा रहेको अस्पतालका डायलासिस शाखा प्रमुख लिना बडेलले बताइन् । मर्मत गर्नका लागि काठमाडौँबाट इञ्जिनियर नै आउनुपर्ने भए पनि इञ्जिनियर आउन नमानेको उनले बताइन् । ‘इञ्जिनियरहरूलाई बोलाएको हो’, उनले भनिन्, ‘तर पुराना डिजाइनका भएर होला, उहाँहरू आउनु मान्नुभएको छैन ।’ डायलासिस मेसिन बिग्रिँदा निकै समस्या हुने गरेको छ ।  घर पायक डायलासिस गर्न चहानेहरूलाई समेट्न नसकिएको उनले बताइन् । तुलसीपुरकै बिरामीहरूलाई पनि घोराही, लमही,…

भैरहवा- नेपाल अफ्थाल्मिक सोसाइटीले भैरहवामा नेत्र चिकित्सकहरूका लागि एकदिने नेतृत्व विकास तालिम सफलतापूर्वक सम्पन्न गरेको छ। तालिममा भैरहवा तथा आसपासका आँखा अस्पतालहरूमा कार्यरत नेत्र चिकित्सक र आवासीय चिकित्सकहरूको उल्लेखनीय सहभागिता रह्यो। कार्यक्रमका प्रमुख प्रशिक्षक राष्ट्रिय तथा अन्तर्राष्ट्रिय ख्यातिप्राप्त नेतृत्व विकास प्रशिक्षक अनिल प्रसाद श्रेष्ठ थिए। वित्त, बीमा, शिक्षा, हवाइ सेवा, कृषि तथा व्यवसायिक नेतृत्वजस्ता क्षेत्रमा तीन दशकभन्दा बढी अनुभव भएका श्रेष्ठ प्रेरणादायी वक्ता एवं रणनीतिक प्रशिक्षक मानिन्छन्। उनले नेतृत्वका सैद्धान्तिक पक्षहरू, व्यवहारिक कार्यान्वयन, समूह समन्वय, प्रभावकारी सञ्चार कला, परियोजना व्यवस्थापन, सार्वजनिक सम्बन्ध विकास र समालोचनात्मक सोच लगायतका विषयमा सहभागीहरूलाई गहन प्रशिक्षण दिएका थिए। तालिममा नेपाल अफ्थाल्मिक सोसाइटीका महासचिव तथा नेत्र…

काठमाडौं – औषधिको मूल्य निर्धारण शिफारिस समितिको प्रतिवेदन विरुद्ध औषधि क्षेत्रका १० वटा संघसंस्था आन्दोलित भएका छन्। औषधिका सम्पूर्ण सरोकारवालालाई बेवास्ता गर्दै एकतर्फी रूपमा मन्त्रालयलाई समेत भ्रममा पारेर प्रतिवेदन पेश गरिएको भन्दै उनीहरूले आन्दोलनको चेतावनी दिँदै आएका थिए। निर्धारित अल्टिमेटम सकिँदासमेत सरकारी निकायले कुनै चासो नदेखाएपछि उनीहरू आन्दोलित भएका हुन्। नेपाल औषधि उत्पादक संघ, नेपाल औषधि व्यवसायिक संघ, नेपाल मेडिकल एशोसियसन, आयातकर्ता संघ, औषधि थोक व्यवसायी संघ, प्राइभेट अस्पताल संघ, आयुर्वेद औषधि उत्पादक संघ, पशुपंक्षी औषधि व्यवसायी संघ, रसायन तथा मेडिकल आपूर्ति संघ नेपाल र पशु चिकित्सक संघ लगायतले संयुक्त रुपमा विरोध कार्यक्रम सुरू गरेका हुन्। संघसंस्थाहरूले काठमाडौँस्थित औषधि व्यवस्था…

धनगढी- सेती प्रादेशिक अस्पतालले सुदूरपश्चिम प्रदेशमै पहिलोपटक नि:सन्तान उपचार केन्द्र स्थापना गरेर सेवा सञ्चालनमा ल्याएको छ । प्रादेशिक अस्पतालले स्थापना गरेकाे नि:सन्तान उपचार केन्द्रकाे अस्पतालका प्रमुख मेडिकल सुपरिटेन्डेन्ट डाक्टर हेमराज पाण्डेले शुक्रबार उद्घाटन गरेका छन् । केन्द्रकाे उद्घाटन गर्दै मेसु पाण्डेले संघीय र प्रदेश सरकारकाे सहयोगमा स्थापना गरिएको बताए । उनले गत वर्ष नै नि:सन्तान उपचार केन्द्र सञ्चालन गर्ने तयारी भएपनि केही प्राविधिक समस्याले हुन नसकेकाे बताए । सुदूरपश्चिम प्रदेशमा सेवाकाे अभावका कारण नि:सन्तान दम्पतीहरू उपचारका लागि काठमाडौं तथा भारत जाने गरेकाेमा अब उक्त बाध्यता अन्त्य भएको बताउँदै सहज र सुलम रूपमा धनगढीमै सेवा लिन सकिने बताए । प्रादेशिक अस्पतालकाे…

काठमाडाैं- नयाँ भेरियन्टसहितको कोरोना भाइरस भारतभर तीव्र गतिमा फैलिन थालेपछि संक्रमित र मृतक संख्या बढ्दै गएको छ। देशका ३० राज्य र केन्द्र शासित प्रदेशमा हालसम्म सक्रिय संक्रमितको संख्या ७ हजार १५४ पुगेको स्वास्थ्य विभागले जनाएको छ। पछिल्लो एक सातामा दैनिक औसत ४ सय नयाँ संक्रमित थपिएका छन्। सोही अवधिमा कोरोना संक्रमणका कारण ३० जनाको मृत्यु भएको छ भने हालसम्म मृत्यु हुनेको संख्या ७७ पुगेको छ। पछिल्लो २४ घण्टामा मात्र ४ जनाको मृत्यु भएको छ, जसमा महाराष्ट्रमा २, र मध्य प्रदेश तथा पश्चिम बंगालमा १–१ जनाको मृत्यु भएको बताइएको छ। महाराष्ट्रमा हालसम्म सबैभन्दा बढी २१ जनाको मृत्यु भएको छ। कोरोना संक्रमण…

काठमाडौं– वैदेशिक रोजगारीमा जाने नेपाली श्रमिकको स्वास्थ्य परीक्षणका लागि श्रम, रोजगार तथा सामाजिक सुरक्षा मन्त्रालयले नयाँ मापदण्ड जारी गरेको छ । वैदेशिक रोजगारीमा जाने श्रमिकको स्वास्थ्य परीक्षणमा लापरबाही हुने गरेको गुनासोपछि मन्त्रालयले स्वास्थ्य परीक्षणसम्बन्धी नयाँ कार्यविधि जारी गरेको हो । कार्यविधिमा वैदेशिक रोजगारीमा जाने हरेक श्रमिकका लागि अनिवार्य रूपमा गर्नुपर्ने स्वास्थ्य परीक्षण र प्रयोगशाला परीक्षणको विस्तृत सूची समावेश गरिएको छ । जेठ २३ मा वैदेशिक रोजगार नियमावलीअनुसार गठित विशेषज्ञ समितिको बैठकबाट भएको निर्णय बमोजिम मन्त्रीस्तरको निर्णयअनुसार वैदेशिक रोजगारमा जाने श्रमिकको स्वास्थ्य परीक्षण गर्ने संस्था, सूचीकरण, नवीकरण तथा अनुगमनसम्बन्धी कार्यविधिलाई संशोधन गरिएको हो ।