धादिङ – धादिङ अस्पतालमा केही समयअघि सुरु गरिएको इन्डोस्कोपी सेवा दक्ष प्राविधिकको अभावका कारण ठप्प भएको छ। पेटसम्बन्धी विभिन्न रोग पहिचान गर्न अत्यावश्यक मानिने यो सेवा एक दिनमात्रै सञ्चालनमा आएर बन्द भएको हो। सेवा ठप्प हुँदा अहिले बिरामीहरू उपचारका लागि राजधानी काठमाडौँ वा अन्य स्थान जान बाध्य छन्। सामान्यतः अस्पतालका सर्जनहरूले इन्डोस्कोपी सेवा सञ्चालन गर्दै आएका थिए, तर अहिले कार्यरत सर्जनहरूले सेवा नदिँदा बिरामी मर्कामा परेका छन्। धादिङ अस्पतालमा डा. गगन अधिकारी र डा. नवीन महासेट सर्जनको रूपमा कार्यरत छन्। तर डा. महासेट सप्ताहमा पाँच दिन काठमाडौँ बस्ने र दुई दिनमात्र अस्पतालमा उपस्थित हुने गरेका छन्। स्रोतका अनुसार उनले हाजिर…
स्वास्थ्य डायरी
काठमाडौं – काठमाडौं महानगरपालिकाले पिउने पानी आपूर्ति गरिरहेको सीएन इन्टरप्राइजेजको पानीमा कोलिफर्म जीवाणु फेला परेपछि कम्पनीलाई जरिवाना गर्दै ठेक्का रद्द गरेको छ। महानगरको कृषि तथा पशुपन्छी विभागले परीक्षणका क्रममा उक्त पानी पिउन अयोग्य भएको प्रमाणित भएपछि कम्पनीमाथि कारबाही गरिएको हो। परीक्षणमा कोलिफर्म पोजिटिभ देखिएपछि सार्वजनिक स्वास्थ्य सुरक्षालाई ध्यानमा राख्दै महानगरले सीएन इन्टरप्राइजेजलाई २ लाख रुपैयाँ जरिवाना र ठेक्का रद्द गर्ने निर्णय गरेको जनाएको छ। महानगरले २०८१ साल वैशाख २ गते सीएन इन्टरप्राइजेजसँग पिउने पानी आपूर्तिका लागि सम्झौता गरेको थियो। सम्झौतापछि निरन्तर रूपमा सोही कम्पनीले महानगरमा पिउने पानी आपूर्ति गर्दै आएको थियो। तर, हालैको परीक्षणमा पानी मापदण्डविपरीत फेला परेपछि कठोर निर्णय…
कञ्चनपुर – सुदूरपश्चिम स्वास्थ्य निर्देशनालयका अनुसार पछिल्लो एक सातामा मात्रै भारतबाट फर्किएका १६ जनामा कोरोना सङ्क्रमण पुष्टि भएको छ । कैलालीको त्रिनगर नाका र बैतडीको झुलाघाट नाकाबाट भित्रिएकाहरुमा दिनहुँ सङ्क्रमण देखिन थालेको हो । नाकामा रहेका हेल्थ डेस्कहरुमा पर्याप्त कीट नहुँदा परीक्षण हुन सकेको छैन । सुदूरपश्चिम स्वास्थ्य निर्देशनालयका अनुसार मङ्गलबार पनि सुदूरपश्चिममा भारतबाट आएका दुई जनामा सङ्क्रमण पुष्टि भएको छ । निर्देशनालयका अनुसार गौरीफन्टा र झुलाघाट नाकामा एक/एक जनामा सङ्क्रमण देखिएको हो । सुदूरपश्चिमका विभिन्न नाकाबाट ६४३ जना नेपाल भित्रिएका थिए । जसमध्ये १४ जनाको परीक्षण गरिएकोमा दुई जनामा सङ्क्रमण पुष्टि भएको हो । गड्डाचौकी नाका भारतको राजधानी दिल्लीबाट…
काठमाडौं– औषधिको मूल्य–नीति सुझाव समितिको प्रतिवेदनप्रति चर्को आपत्ति जनाउँदै औषधि क्षेत्रसँग सम्बन्धित ९ वटा संघसंस्थाले संयुक्त आन्दोलनको घोषणा गरेका छन्। काठमाडौंमा मंगलबार आयोजित पत्रकार सम्मेलनमार्फत नेपाल औषधि उत्पादक संघ (एप्पोन), नेपाल औषधि व्यावसायिक संघ, औषधि आयातकर्ता संघ, नेपाल मेडिकल एशोसियसन, पशुपंक्षी औषधि व्यावसायी संघ, रसायन तथा मेडिकल आपूर्ति संघ नेपाल, नेपाल आयुर्वेद औषधि उत्पादक संघ, प्राइभेट हस्पिटल ईन्स्टिच्युटसन एसोसिएसन र औषधि थोक व्यवसायी संघले मूल्य नीति सुझाव समितिको प्रतिवेदन तत्काल खारेज गर्न माग गरेका हुन्। उनीहरूले प्रतिवेदन लागू भए एक महिनाभित्र औषधिको चरम अभाव हुने चेतावनी दिएका छन्। औषधिको मूल्य समायोजनका लागि गठित समितिले हालै स्वास्थ्य मन्त्री प्रदीप पौडेललाई प्रतिवेदन…
काठमाडौं- स्वास्थ्य तथा जनसङ्ख्या मन्त्री प्रदीप पौडेलसमक्ष औषधिको मूल्यबारे सुझाव दिन गठित समितिले आफ्नो प्रतिवेदन पेस गरेको छ। स्वास्थ्य मन्त्रालयमा आज आयोजित कार्यक्रममा समितिका संयोजक डा. पोषराज पाण्डेले प्रतिवेदन प्रस्तुत गर्दै हरेक दुई वर्षमा मूल्य समायोजनका लागि सुझाव दिएको बताए। प्रतिवेदन ग्रहण गर्दै मन्त्री पौडेलले लामो समयसम्म औषधिको मूल्यमाथि गहन रुपमा अध्ययन नहुँदा कतिपयकाे मूल्य बढी भएको हुन सक्ने देखिएकाले समायोजनका लागि समिति गठन गरेको बताए। स्वास्थ्यमन्त्रीको निजी सचिवालयका अनुसार प्रतिवेदनका माध्यमबाट औषधिको गुणस्तर सुधार, व्यवस्थापन र सुशासन कायम गर्न मद्दत पुग्ने विश्वास मन्त्री पौडेलले व्यक्त गरे। उनले उचित मूल्यमा औषधि प्राप्त गर्ने वातावरण बनाउन तयार पार्न आफू क्रियाशील रहेको बताउँदै…
भद्रपुर- भारतसहित सुदूरपश्चिम प्रदेशमा कोभिड–१९ सङ्क्रमित फेला पर्न थालेपछि झापामा सतर्कता बढाइएको छ । सङ्क्रमणको सम्भावित जोखिमलाई मध्यनजर गर्दै जिल्ला स्वास्थ्य सङ्कट व्यवस्थापन समिति, बैठकको निर्णयअनुसार सीमा नाकामा निगरानी र जाँच प्रणालीलाई प्रभावकारी बनाउने निर्णय गरेको हो । प्रमुख जिल्ला अधिकारी गोपालकुमार अधिकारीको अध्यक्षतामा आइतबार बसेको बैठकले नाकामा रहेका हेल्थ डेस्कलाई थप जनशक्ति र स्रोतसाधन सम्पन्न बनाउने निर्णय गरेको थियो । स्वास्थ्य कार्यालय झापाका प्रमुख रमेश बाराकोटीले जिल्लास्थित सबै स्थानीय तहहरूलाई सतर्कता अपनाउन र आवश्यक तयारी गर्न परिपत्र गरिएको जानकारी दिए । उनले भने, ‘क्वारेन्टाइन व्यवस्थापन, जनचेतना कार्यक्रम सञ्चालन गर्न र अस्पताल तथा स्वास्थ्य संस्थालाई तयारी अवस्थामा रहन निर्देशन दिइएको…
पाँचथर- पाँच वर्षभन्दा कम उमेरका सबै बालबालिकालाई आवश्यक खोप लगाएको सुनिश्चितता गरी पाँचथरलाई आज पूर्ण खोप सुनिश्चित जिल्ला घोषणा गरिएको छ । जिल्ला खोप समन्वय समितिले फिदिममा एक कार्यक्रम गरी पूर्ण खोप सुनिश्चितता तथा दिगोपना जिल्ला घोषणा गरेको हो । जिल्लाभित्रका १५ महिना मुनि उमेरका सबै बालबालिकाले उमेरअनुसारका सबै खोप लगाएको र १६ महिनादेखि ५९ महिनासम्ममा सबै बालबालिकामा १५ महिनाभित्र लगाउनुपर्ने खोप लगाएको सुनिश्चित गरी यस्तो घोषणा गरिएको हो । जिल्ला खोप समन्वय समिति प्रमुख रामराज आङ्देम्बेका अनुसार १५ महिनाभन्दा कम उमेरका दुई हजार २९५ जना बालबालिकाले उमेरअनुसारका खोप लगाउँदै आएका छन् । पूर्ण खोप सुनिश्चितता तथा दिगोपना प्रमाणीकरणका लागि…
चितवन- चितवनस्थित बिपी कोइराला मेमोरियल क्यान्सर अस्पतालबाट निस्केको फोहरलाई पर्यावरणमैत्री रूपमा व्यवस्थापन गर्दै आइएको छ । अस्पतालले फोहरको स्रोतमा नै वर्गीकरण गरी दुई प्रविधि र अन्य विधि प्रयोग गरेर व्यवस्थापन गर्दै आएको छ । अस्पतालले पुनः प्रयोग हुने वस्तुलाई अलग्गै, कुहिने वस्तुबाट बायोग्यास, माइक्रोवेभ टेक्नोलोजीसहितको स्रेडिङ मेसिनबाट फोहरलाई घटाएर निःसङ्क्रमित बनाउने गरेको अस्पतालका बायोमेडिकल इञ्जिनियर रुपेश मिश्रले जानकारी दिए । उनका अनुसार अस्पतालको फोहर व्यवस्थापन प्रणालीमा मुख्यतया दुईवटा प्रविधि प्रयोग गरिएको छ । बायोग्यास प्लान्टबाट वार्डहरूबाट निस्कने खानाका फोहरलाई कुहाएर बायोग्यास उत्पादन गरिन्छ । माइक्रोवेभ टेक्नोलोजीसहितको स्रेडिङ मेसिन अस्पतालको बायोमेडिकल फोहर प्रशोधन गर्ने मुख्य उपकरण हो । अस्पतालबाट निस्कने सिसा,…
चितवन- राप्ती नगरपालिकाले आन्तरिक स्रोतको अभाव र अख्तियारको चासोका कारण भन्दै ७२ जना दैनिक ज्यालादारी कर्मचारीलाई हटाएको छ । त्यसमा चारजना चिकित्सक, एक इन्जिनियरलगायत रहेका छन् । नगरपालिकाका प्रमुख शम्शेर लामाका अनुसार प्रमुख, उपप्रमुख, एम्बुलेन्सलगायत चालकसमेत हटाउनु परेकामा रहेका छन् । नगरपालिकाले सूचना जारी गर्दै यही आजदेखि लागू हुनेगरी सबै ज्यालादारी कर्मचारीलाई कार्यालय नआउन र हाजिरी नगराउन निर्देशन दिएको छ । नगरपालिकाका पशुपन्छी विकास शाखाका प्रमुख शैलेन्द्र भण्डारीद्वारा जारी सूचनामा आन्तरिक आम्दानीको सुनिश्चितता नभएको र अख्तियार दुरुपयोग अनुसन्धान आयोगले समेत प्रश्न उठाएकाले बाध्य भएर कर्मचारी हटाउनु परेको उल्लेख छ । ज्यालादारी कर्मचारी हटाउने निर्णय नगरपालिकाको १४ औँ नगरसभाबाट गठित सहजीकरण…
कञ्चनपुर- बेलौरी नगरपालिकाले अत्यधिक गर्मी बढेपछि दुई दिन विद्यालय बिदा दिने निर्णय गरेको छ । गर्मीका कारण शिक्षक, विद्यार्थी र कर्मचारीको स्वास्थ्यमा पर्ने प्रतिकूल असरलाई मध्यनजर गरी आज र भोलि नगरभित्र विद्यालय बिदा दिने निर्णय गरिएको हो । नगरप्रमुखस्तरीय निर्णयअनुसार विद्यालयमा बिदा दिइएको नगरप्रमुख पोतिलाल चौधरीले जानकारी दिए । बर्खे बिदाबाट मिलान हुनेगरी नगरभित्रका सामुदायिक तथा संस्थागत विद्यालयमा गर्मी बिदा दिइएको उनले बताए । गर्मी बढेसँगै सर्वसाधारणलाई बाह्य क्षेत्रमा हिँडडुल गर्न समस्या हुने गरेको छ । दिउँसोका बेला बजार तथा राजमार्ग क्षेत्रमा सर्वसाधारणको आगमन कम हुँदै गएको छ । गर्मीका कारण रिङ्गटा लाग्ने, टाउको दुख्ने, ज्वरो आउने, आँखा पाक्नेलगायत स्वास्थ्य…