स्वास्थ्य डायरी

काठमाडौं – उपभोक्ता अदालतले चाबहिलस्थित ओम अस्पताललाई चिकित्सकीय लापरवाहीका कारण बिरामीको मृत्यु गराएको ठहर गर्दै पीडित परिवारलाई ५६ लाख ८१ हजार रुपैयाँ क्षतिपूर्ति तिराउने आदेश दिएको छ। अदालतका अध्यक्ष रामप्रसाद शर्मा तथा सदस्यहरू गेहेन्द्रराज रेग्मी र आनन्दराज पोखरेलको संयुक्त इजलासले अस्पताललाई ५० लाख ७० हजार र उपचारमा संलग्न चिकित्सकद्वय डा. सायुज्यराज घिमिरे र डा. सरोजकुमार गोहिवारलाई जनही तीन लाख पाँच हजार पाँच सय रुपैयाँका दरले तिराउन आदेश दिएको हो। बुढानीलकण्ठ–९ निवासी बसन्त गौतमले आफ्ना ९८ वर्षीय बाबु हरिहरप्रसाद गौतमको मृत्यु चिकित्सकीय लापरवाहीका कारण भएको दाबी गर्दै अस्पताल तथा चिकित्सकमाथि ५ करोड रुपैयाँ क्षतिपूर्ति माग गर्दै उजुरी दर्ता गरेका थिए। गत…

काठमाडाैं – नेपाल मेडिसिटी अस्पतालले आफ्नो चिकित्सा इतिहासमा पहिलोपटक सफल कलेजो प्रत्यारोपण सम्पन्न गरेको छ। पोखराका ५६ वर्षीय ईश्वरबहादुर कार्कीलाई उनका छोरा २६ वर्षीय आयुष कार्कीले कलेजो दान गरेका हुन्। यो जटिल शल्यक्रिया भारतको अमृता अस्पतालसँगको सहकार्यमा नेपाल मेडिसिटीका चिकित्सकको नेतृत्वमा सम्पन्न गरिएको हो। कलेजो निकाल्न ९ घण्टा र प्रत्यारोपण गर्न १३ घण्टा लागेको थियो। “हामी दुईपटक भारत गएका थियौं, तर त्यहाँको परामर्शले सन्तोष दिएन। नेपालमै यस्तो सेवा पाइने थाहा पाएपछि मेडिसिटीमै प्रत्यारोपण गराउने निर्णय गर्यौं,” कलेजो दाता आयुषले भने। अस्पतालका अध्यक्ष डा. उपेन्द्र महत्तोका अनुसार, मेडिसिटीमा मल्टिडिसिप्लिनरी टिम भएकाले यस्तो जटिल शल्यक्रिया सम्भव भएको हो। “हामीले नेपालीलाई उपचारका लागि…

चितवन – जिल्लामा गत पाँच महिनामा ५२ नयाँ एचआइभी एड्स सङ्क्रमित थपिएका छन्। तीमध्ये २३ स्थानीय हुन भने अन्य स्थानान्तरण भई आएका हुन्। भरतपुर अस्पतालमा रहेको एएचएफ नेपालमा दर्ता भएका सङ्क्रमितमा उनीहरू नयाँ थपिएका हुन्। भरतपुर अस्पतालका वरिष्ठ फिजिसियन डा कल्याण सापकोटाका अनुसार अस्पतालमा रहेको यस फाउण्डेसनमा सन् २०२५ को पाँच महिनामा ती बिरामी थपिएका हुन्। अस्पतालमा आएर परीक्षण गरेका र समुदायस्तरमा परीक्षण गरिएका २३ जना हुन्। अहिले यस केन्द्रमा नियमित औषधि खानेको सङ्ख्या एक हजार एक सय ८८ जना रहेको छ। उनले भने, ‘यहाँ औषधि सेवन गर्नेमध्ये जिल्लाको माडीको बघौडा अस्पताल र मध्यविन्दु अस्पताल डण्डामा केही स्थानान्तरण भएर गएका…

काठमाडौं – नेपाल प्रहरीका महानिरीक्षक (आईजीपी) दिपक थापाले नेपाल प्रहरी अस्पताललाई विगतका कमजोरी सुधार्दै नागरिकमैत्री, गुणस्तरीय र सहज सेवा दिन निर्देशन दिएका छन्। बुधबार महाराजगन्जस्थित अस्पतालको आकस्मिक कक्ष, वार्ड, फार्मेसी र शैक्षिक कार्यक्रमको निरीक्षणपश्चात आयोजित कार्यक्रममा उनले चिकित्सक तथा स्वास्थ्यकर्मीहरूलाई उच्च मनोबलका साथ सामूहिक भावनामा काम गर्न आग्रह गरे। “उचित परामर्श, असल व्यवहार र सहानुभूतिपूर्ण उपचारमार्फत सबैको सहज पहुँच सुनिश्चित गर्नु अस्पतालको दायित्व हो,” उनले भने। थापाले अस्पतालले कोभिड-१९ महामारीका बेला खेलेको भूमिकाको प्रशंसा गर्दै प्रहरी कर्मचारी, उनीहरूका परिवार, अवकाशप्राप्त प्रहरी तथा सर्वसाधारणलाई लक्षित सेवा अझ प्रभावकारी बनाउनुपर्नेमा जोड दिए। अस्पतालको भौतिक र प्राविधिक स्तरोन्नति तथा स्वास्थ्यकर्मीको दक्षता विकासमा प्रहरी…

काठमाडौं– स्वास्थ्य तथा जनसंख्या मन्त्रालयले सरुवा भई पनि कार्यस्थलमा हाजिर नगराइएका कर्मचारीलाई तीन दिनभित्र हाजिर गराउन चेतावनी दिएको छ। स्वास्थ्य तथा जनसंख्या मन्त्री प्रदीप पौडेलको निर्देशनपछि मन्त्रालयको कर्मचारी प्रशासन शाखाले संघीय अस्पताल र मातहतका निकायहरूलाई पत्र पठाएर समयसीमा तोकेको हो। मन्त्रालयले हाजिर नगराइएमा विभागीय कारबाही गर्नेसहित सेवा–सुविधा वापतको रकम असुलउपर गर्ने सचिवस्तरीय निर्णयको विवरणसमेत कार्यालयहरूलाई पठाएको छ। स्वास्थ्य सेवामा दरबन्दीभन्दा बाहिर काजमा रहने प्रवृत्ति बढ्दै गएको र त्यसकै कारण सरुवा भएकालाई कार्यस्थलमा हाजिर गराउन समस्या उत्पन्न भएको गुनासोपछि मन्त्रालयले यस्तो कडा कदम चालेको हो। मन्त्रालयका प्रवक्ता डा. प्रकाश बुढाथोकीले तोकिएको समयसम्म हाजिर नगराइएमा अटेर गर्ने कर्मचारीविरुद्ध विभागीय कारबाही हुने स्पष्ट…

चितवन- जिल्लामा पछिल्लो केही दिनदेखि लगातार गर्मी बढ्दै गएको छ । नागरिक उड्डयन प्राधिकरण भरतपुरका अनुसार बुधबार चितवनमा अधिकतम तापक्रम ३८ डिग्री सेल्सियस मापन गरिएको छ भने अघिल्लो दिन यो तापक्रम ३९ डिग्री पुगेको थियो ।  गर्मी बढेपछि जनजीवनमा प्रत्यक्ष असर पर्न थालेको छ । गर्मीका कारण यहाँका कतिपय स्थानीय निकायले विद्यालय बन्द गरेका छन् । दिउँसो सडक र बजार सुनसान देखिन थालेका छन् । विशेषगरी वृद्ध, बालबालिका र बाहिर खटिने श्रमिकमा यसको असर बढी परेको छ । भरतपुर महानगरपालिका वडा १०स्थित चौविसकोठीको सडक छेउमा पचपन्न वर्षीया चन्द्रकुमारी पुनमगर मकै पोलेर बिक्री गर्ने काम गर्छन् । उनले भनिन्,“दिनभर घाम र…

कञ्चनपुर- भारतबाट फर्कने व्यक्तिहरूमा कोरोनाको सङ्क्रमण देखापर्न थालेपछि सुदूरपश्चिमका सीमानाकामा रहेका ‘हेल्थ डेस्क’ मा स्वास्थ्य परीक्षणको व्यवस्था गरिएको छ। भारतसँग सीमा जोडिएका प्रदेशका चारवटा क्षेत्रमा हेल्थ डेस्कमार्फत शङ्कास्पद बिरामीको ‘एन्टिजेन’ परीक्षणको व्यवस्था गरिएको सुदूरपश्चिम प्रदेश प्रादेशिक आपत्कालीन कार्य सञ्चालन केन्द्रका सूचना अधिकारी हेमराज जोशीले जानकारी दिए। उनका अनुसार कञ्चनपुरको गड्डाचौकी, कैलालीको गौरीफण्टा, बैतडीको झुलाघाट र दार्चुलाको पुलघाट सीमानाकामा रहेका हेल्थ डेस्कमा कार्यरत स्वास्थ्यकर्मीहरूले कोरोनाका शङ्कास्पद बिरामीको पहिचान गरी एन्टिजेन परीक्षणको कार्य गरिरहेका छन्। ‘कोरोना परीक्षणका लागि प्रयोग हुने किट चारवटै हेल्थ डेस्कमा पु¥याई परीक्षण कार्य भइरहेको छ’, जोशीले भने, ‘किटको आपूर्ति थोरै मात्रामा भएकाले आवागमनलाई मध्यनजर गरी प्राथमिकताका आधारमा उपलब्ध…

काठमाडौं – औषधि व्यवस्था विभागले बजारमा गुणस्तरहीन भेटिएका दुई ब्याचको औषधिको उत्पादन र बिक्रीमा प्रतिबन्ध लगाएको छ। बारा स्थित नेशनल हेल्थकेयर द्वारा उत्पादित ब्याच नम्बर सीएलएलएच २३०१२ र सीएलएलएच २३०१४ का क्याल्सिफर ड्रप औषधिमा न्यून गुणस्तर देखिएपछि विभागले ती औषधि बजारबाट तुरुन्त फिर्ता लिन निर्देशन दिएको हो। औषधि ऐन, २०३५ को दफा १४ अनुसार बिक्री वितरणमा रोक लगाइएको जनाउँदै विभागले औपचारिक सूचना जारी गरेको छ। विभागले ती ब्याचका औषधि अब प्रयोग तथा सिफारिस नगर्न सर्वसाधारण र स्वास्थ्यकर्मीहरूलाई आग्रह गरेको छ। साथै, ती औषधि फिर्ता लगिएको विवरण विभागमा पेश गर्न सम्बन्धित उत्पादन कम्पनीलाई निर्देशन दिइएको छ।

जनकपुर – धनुषाको औरही गाउँपालिकामा निर्माण हुन लागेको १५ शैय्याको प्राथमिक अस्पतालको टेन्डर प्रक्रियामा व्यापक अनियमितता भएको खुलासा भएको छ। यस प्रकरणमा संलग्न भएको आरोपमा मधेश प्रदेशका सांसद दिपेन्द्र कुमार ठाकुर, औरहीका पूर्व अध्यक्ष ब्रहमदेव यादवसहित १७ जनाविरुद्ध विशेष अदालतमा भ्रष्टाचार मुद्दा दायर गरिएको छ। स्वास्थ्य तथा जनसंख्या मन्त्रालयको कार्यक्रमअनुसार आर्थिक वर्ष २०७७/७८ मा औरही–२, देउरी परवाहामा करिब २४ करोड ४४ लाख रुपैयाँको लागत अनुमानसहित अस्पताल निर्माणका लागि टेन्डर आह्वान गरिएको थियो। तर अख्तियार दुरुपयोग अनुसन्धान आयोगको अनुसन्धान अनुसार, टेन्डर प्रक्रियामा संलग्न पदाधिकारी तथा निर्माण व्यवसायीहरूबीच मिलेमतो भएको पाइएको छ। प्रतिस्पर्धा न्यून गर्न टेन्डरका शर्तहरू हेरफेर गरी अनियमित रूपमा ठेक्का…

काठमाडौं – औषधि व्यवस्था विभागले धनुषास्थित लोमस प्यारेन्ट्रेल्स एण्ड फर्मुलेसन प्रालिद्वारा उत्पादन गरिएका दुई ब्याच औषधिहरूमा न्यून गुणस्तर भेटिएपछि ती औषधिको बिक्री–वितरणमा रोक लगाउँदै बजारबाट तत्काल फिर्ता लिन निर्देशन दिएको छ। राष्ट्रिय औषधि प्रयोगशालामा गरिएको परीक्षणमा कम्पनीद्वारा उत्पादित ‘कम्पाउण्ड सोडियम ल्याक्टेट’ र ‘डेक्सट्रोज’ नामका औषधि तोकिएको मापदण्डमा खरो नउत्रिएको पुष्टि भएपछि विभागले सार्वजनिक स्वास्थ्य सुरक्षालाई ध्यानमा राख्दै उक्त निर्णय लिएको हो। सूचना अनुसार, सन् २०२३ अक्टोबरमा उत्पादन गरिएको कम्पाउण्ड सोडियम ल्याक्टेट र २०२४ नोभेम्बरमा उत्पादन गरिएको डेक्सट्रोज परीक्षणमा असफल ठहरिएका छन्। यी औषधिहरू बजारमा पुगिसकेकोले तुरुन्त फिर्ता गर्न निर्देशन दिइएको छ। औषधि ऐन, २०३५ को दफा १४ अनुसार विभागले ती…