स्वास्थ्य डायरी

काठमाडौं । कान्तिपुर फर्मास्युटिकल्स ल्याब लिमिटेडले सर्वसाधारणका लागि १७ लाख कित्ता साधारण शेयर निष्कासन गर्ने भएको छ। नेपाल धितोपत्र बोर्डले कम्पनीलाई प्रारम्भिक सार्वजनिक निष्कासन (आईपीओ) का लागि अनुमति दिएको हो। प्रतिकित्ता १०० रुपैयाँ अंकित मूल्यमा कम्पनीले कुल १७ करोड रुपैयाँ बराबरको शेयर निष्कासन गर्नेछ। निष्कासन तथा बिक्री प्रबन्धकमा मुक्तिनाथ क्यापिटल लिमिटेड रहेको छ। कान्तिपुर फर्मास्युटिकल्स पशुपन्छीका औषधि तथा पोषणसम्बन्धी सामग्री उत्पादन गर्ने कम्पनी हो। यसको कर्पोरेट कार्यालय ललितपुरको बालकुमारी र कारखाना काभ्रेको पाँचखालमा छ।

काठमाडौं । कान, नाक तथा घाँटी (ईएनटी) सम्बन्धी जटिल समस्या हुँदा उपचारका लागि ठूला सहर धाउनुपर्ने कर्णालीका नागरिकको बाध्यता केही कम भएको छ । कर्णाली स्वास्थ्य विज्ञान प्रतिष्ठान, जुम्ला र रिड्स नेपालको सहकार्यमा सञ्चालित विशेषज्ञ स्वास्थ्य सेवा कार्यक्रममार्फत एक हजार ३७ जनाले ईएनटी सेवा पाएका छन् भने ४३ जनाको शल्यक्रिया गरिएको छ । विशेषज्ञ स्वास्थ्य सेवाको पहुँचबाट टाढा रहेका नागरिकलाई लक्षित गरी सञ्चालन गरिएको यस कार्यक्रमले दुर्गम क्षेत्रमै विशेषज्ञ उपचार सेवा उपलब्ध गराउन सहयोग पुगेको प्रतिष्ठानका उपकुलपति प्रा.डा. सूर्यमान मेन्याङ्बोले बताए । उनका अनुसार यसअघि ईएनटीसम्बन्धी जटिल समस्या भएका बिरामी उपचारका लागि ठूला सहर जानुपर्ने अवस्था थियो । कार्यक्रमलाई थप…

काठमाडौं । जलनका बिरामीले उपचारका लागि काठमाडौं नै धाउनुपर्ने बाध्यता कम गर्ने उद्देश्यसहित सरकारले सातवटै प्रदेशमा विशेषज्ञ जलन उपचार सेवा विस्तारको तयारी थालेको छ । यसका लागि प्रदेशका ठूला अस्पतालमा आवश्यक जनशक्ति उत्पादन गर्न चिकित्सक तथा स्वास्थ्यकर्मीलाई विशेष तालिम दिन थालिएको छ । स्वास्थ्य तथा खाद्य स्वच्छता मन्त्रालयले सातवटै प्रदेशका एक–एक ठूला अस्पतालमा जलनको ‘स्ट्यान्डर्ड ट्रिटमेन्ट प्रोटोकलअनुसार लेभल–३’ उपचार सेवा सञ्चालन गर्ने योजना बनाएको स्वास्थ्य सेवा विभागका निमित्त महानिर्देशक डा. कृष्णप्रसाद पौडेलले जानकारी दिए । उनका अनुसार अहिले ती अस्पतालमा सामान्य जलन उपचार सेवा उपलब्ध भए पनि तालिमप्राप्त जनशक्ति तयार भएपछि थप विशिष्टीकृत सेवा दिन सकिनेछ । त्यसका लागि सम्बन्धित…

खोटाङ । सघन सहरी तथा भवन निर्माण आयोजना कार्यालय ओखलढुङ्गाले जिल्ला अस्पताल खोटाङलाई ५० शय्याको अस्पताल भवन हस्तान्तरण गरेको छ । नेपाल सरकारको रु २२ करोड ९० लाख ४७ हजार ९२ लागतमा निर्माण गरिएको सुविधा सम्पन्न अस्पताल भवनको प्रमाणपत्र बिहीबार सघन सहरी तथा भवन निर्माण आयोजना कार्यालय ओखलढुङ्गाका प्रमुख इन्जिनियर सुरज पौडेलले जिल्ला अस्पताल खोटाङका निमित्त प्रमुख डा पुस्कल राईलाई हस्तान्तरण गरेका हुन् । विसं २०७८ असार २४ गते सघन सहरी तथा भवन निर्माण आयोजना ओखलढुङ्गासँग सम्झौता गरिएको अस्पताल भवन ३० महिनामा सम्पन्न गर्ने लक्ष्यका साथ निर्माण सुरु गरिएको थियो । निर्माण कम्पनी श्यामसुन्दर–रामसागर–नेपाल फूलबारी जेभीले निर्माणको जिम्मा लिएको लिफ्ट…

काठमाडौं । जलवायु परिवर्तनले स्वास्थ्य क्षेत्रमा निम्त्याइरहेका चुनौती र दक्षिण एसियाली मुलुकबीच स्वास्थ्य सहकार्य विस्तार गर्ने विषयलाई प्राथमिकतामा राख्दै स्वास्थ्य तथा जनसंख्या मन्त्री निशा मेहता दुई अन्तर्राष्ट्रिय बैठकमा सहभागी हुन लागेकी छन् । मन्त्री मेहता शनिबार टर्की प्रस्थान गर्ने कार्यक्रम छ । उनी टर्कीको अन्ताल्यामा नोभेम्बर ९ देखि २० सम्म आयोजना हुने जलवायु परिवर्तनसम्बन्धी संयुक्त राष्ट्रसंघीय सम्मेलन (कोप–३१) मा सहभागी हुनेछिन् । तर, सम्मेलनको पूरा अवधि टर्कीमा नबसी नोभेम्बर १० मै श्रीलंकाको राजधानी कोलम्बो जाने उनको कार्यक्रम छ । कोलम्बोमा आयोजना हुने बिमस्टेक स्वास्थ्य मन्त्रीस्तरीय बैठकमा सहभागी हुन उनी श्रीलंका जान लागेकी हुन् । यससँगै मन्त्री मेहताको यसपटकको तिहार पनि…

कैलाली । टीकापुरको एक अस्पतालको अप्रेसन थ्रेटर रुममा आगलागी भएको छ। कैलालीको टीकापुर नगरपालिका–१ स्थित रहेको ओम कृष्ण अस्पतालको अप्रेसन थ्रेटर रुममा विद्युतको तार सर्ट भएर बिहिबार बेलुका आगलागी भएको हो। आगलागी हुँदा अन्दाजी १० लाख बराबरको धनमाल जलेर नष्ट भएको प्रहरीले जनाएको छ। प्रहरीले स्थानीय बासिन्दाको सहयोगमा आगलागी नियन्त्रणमा लिनुका साथै यस सम्बन्धमा आवश्यक अनुसन्धान गरिरहेको छ।

काठमाडौं । देशका विभिन्न अस्पतालमा जलन उपचार सेवालाई थप प्रभावकारी बनाउन आठ जना चिकित्सक तथा स्वास्थ्यकर्मीलाई विशिष्टीकृत तालिम दिइएको छ । जलनका बिरामीलाई गुणस्तरीय उपचार उपलब्ध गराउने उद्देश्यले सञ्चालन गरिएको ३० कार्यदिनको तालिम सम्पन्न भएको हो । स्वास्थ्य तथा खाद्य स्वच्छता मन्त्रालयको पहलमा राष्ट्रिय स्वास्थ्य तालिम केन्द्रले कीर्तिपुर अस्पतालमा तालिम सञ्चालन गरेको थियो । तालिममा नारायणी अस्पताल, वीरगञ्ज र प्रदेश अस्पताल, सुर्खेतबाट चार/चार जना चिकित्सक तथा स्वास्थ्यकर्मी सहभागी भएका थिए । तालिम पूरा गरेका सहभागीलाई प्रमाणपत्र वितरण गर्दै कार्यक्रम समापन गरिएको हो । तालिमबाट जलन उपचारसम्बन्धी दक्ष जनशक्ति तयार हुने र उनीहरू कार्यरत अस्पतालमा जलन उपचार कक्ष स्थापना तथा सेवा…

काठमाडौँ । सरकारले मानसिक स्वास्थ्य समस्या भएका नागरिकको अधिकार सुनिश्चित गर्न छुट्टै कानुन निर्माण प्रक्रिया अघि बढाएको छ । स्वास्थ्य तथा खाद्य स्वच्छता मन्त्रालयले मानसिक स्वास्थ्य सेवाको पहुँच विस्तार, उपचारमा समानता र बिरामीमाथि हुने विभेद तथा लान्छना अन्त्य गर्ने उद्देश्यले ‘मानसिक स्वास्थ्यसम्बन्धी विधेयकको अवधारणा–पत्र’ तयार पारेको हो । नेपालको संविधानले स्वास्थ्य, समानता र सम्मानपूर्वक बाँच्न पाउने हक सुनिश्चित गरे पनि मानसिक स्वास्थ्यले पर्याप्त प्राथमिकता पाउन नसकेको मन्त्रालयको ठहर छ । यही अवस्थालाई सम्बोधन गर्न सरकारले विशेष कानुन बनाउन लागेको हो । मन्त्रिपरिषद्को असोज १९ गते बसेको बैठकले विधेयक तर्जुमाका सिद्धान्त स्वीकृत गरिसकेको छ । अवधारणा–पत्रमा मानसिक स्वास्थ्य समस्या भएका व्यक्तिमाथि…

काठमाडौँ । काठमाडौँ महानगरपालिकाले जाडो मौसम सुरु भएसँगै वायु प्रदुषणबाट हुनसक्ने जोखिम बढ्नसक्ने भन्दै प्लास्टिकजन्य फोहरमैला नबल्नका लागि आग्रह गरेको छ । कामपा वातावरण विभागका प्रमुख सरिता राईका अनुसार वायु प्रदुषणका प्रमुख कारण सवारीसाधनबाट निस्कने धुवाँ, सडक तथा अन्य निर्माणबाट उत्पन्न हुने धुलोका कण, उद्योग तथा कलकारखानाबाट निस्कने धुवाँधुलो र खुला रूपमा प्लास्टिकजन्य फोहरमैला बाल्दा निस्कने धुवाँ रहेकाले उक्त कार्य नगर्न नगराउन आग्रह गरेको हो । खराब वायु प्रदुषणका कारण विशेषगरी बालबालिका, ज्येष्ठ नागरिक, दम खोकी भएका र दीर्घरोग भएका बिरामी बढी जोखिममा पर्ने भएकाले मापदण्डविपरीत उल्लेखित कार्य नगर्न प्रमुख राईले सम्बन्ध भएका सबैलाई आग्रह गरे । विभागका अनुसार सवारीसाधन…

काठमाडौँ । चिकित्सा शिक्षा सुधारका अभियन्ता डा. गोविन्द केसीले सरकारले वार्ताका लागि पठाएको टोलीसँग वार्ता गर्न अस्वीकार गरेका छन् । बुधबार साँझ वार्ताका लागि शिक्षण अस्पताल पुगेको सरकारी टोलीलाई डा. केसीले आफ्नो अडान सुनाउँदै फिर्ता पठाएका हुन् । डा. केसीले शिक्षा मन्त्री वा प्रधानमन्त्रीको नेतृत्वमा गठन भएको टोलीसँग मात्रै वार्ता गर्ने स्पष्ट पारेका छन् । यसअघि २०८३ साउन ११ गते भएको सहमतिमा दुई जना सचिवले हस्ताक्षर गरे पनि त्यसलाई राजनीतिक नेतृत्वले अपनत्व लिएर कार्यान्वयन प्रक्रिया अघि नबढाएको उनको आरोप छ । उनले विगतमा भएका सहमति तथा अब हुने सहमित कार्यान्वयन गर्ने अख्तियारी प्राप्त राजनीतिक नेतृत्वको संयोजकत्वमा गठन भएको टोलीसँग मात्रै…