स्वास्थ्य डायरी

काठमाडौं– अरनिको समाज नेपाल, ल्होघर दामोदर कुण्ड गाउँपालिका र तिब्बत स्वशासित क्षेत्र विदेश राष्ट्रहरुसँग जनमैत्री सङ्घको संयोजनमा माथिल्लो मुस्ताङमा दुईदिने निःशुल्क स्वास्थ्य शिविर सञ्चालन गरिएको छ । गाउँपालिकाको चराङ र घमीमा सञ्चालन गरिएको शिविरमा करिब चार सय ५० जनाको स्वास्थ्य परीक्षण गरिएको थियो । स्वास्थ्य शिविरमा चीनबाट आएका चिकित्सकसहित आधुनिक चिकित्सा पद्धति र परम्परागत सोवारिग्पा उपचार पद्धतिका १६ जना चिकित्सकले स्वास्थ्य सेवा दिएका थिए भने बिरामीलाई औषधि पनि निःशुल्क वितरण गरिएको थियो । सो अवसरमा स्त्रीरोग, बालरोग, हाडजोर्नी, पेट तथा कलेजो, हेपाइटाइएटिस ‘बी’ र ‘सी’, पिसाबसम्बन्धी, पाठेघरको क्यान्सर, नशासम्बन्धी तथा दन्तरोगको परीक्षण गरिएको कुनफेन क्लिनिकका निर्देशक डा. नीमाछिरिङ नेपालीले जानकारी दिइन्…

काठमाडौँ- भरतपुरस्थित बिपी कोइराला मेमोरियल क्यान्सर अस्पतालमा रक्त क्यान्सर भएका विरामीको प्रकार परीक्षण सुरु गरिएको छ । यसअघि नमूना बाहिर पठाइँदै आएकोमा उपकरण खरिद गरेर यही परीक्षण सुरु गरिएको हो । अस्पतालका उपनिर्देशक डा. उमेश नेपालका अनुसार रक्त क्यान्सरका प्रकार परीक्षण गर्ने फ्लो साइटोमेट्री सेवा सुरु गरिएको हो । यसका लागि आवश्यक पर्ने उपकरण एक करोड ५० लाखमा खरिद गरेर जनशक्तिलाई तालिम दिएपछि सेवा सुरु गरिएको हो । उनका अनुसार एकजना डाक्टर र एकजना प्राविधिकलाई भारतको टाटा मेमोरियल क्यान्सर अस्पतालमा तालिमका लागि पठाइएको थियो। तालिमप्राप्त जनशक्ति र उपकरण आएसँगै सेवा सुरु गरिएको उनले बताए । अस्पतालका कार्यकारी निर्देशक डा. शिवजी…

डोटी- बुधवार राति डोटीको राजपुरस्थित सुजङ अस्पतालमा उपचारका क्रममा एक बालिकाको मृत्यु थियाे । खेल्ने क्रममा लडेर बायाँ हात भाँच्चिएर घाइते भएकी दिपायल–सिलगढी नगरपालिका–३ दिपायलकी ९ वर्षीया रजनी भुलको उपचारको क्रममा मृत्यु भएको हो । सामान्य उपचारपछि राति शल्यक्रियाका लागि बालिकालाई बेहोस गर्ने क्रममा औषधीले रियाक्सन गरी मृत्यु भएको जिल्ला प्रहरी कार्यालय डोटीले जनाएको छ । हिजो प्रहरीले उपचारमा संलग्न ३ जना चिकित्सकलाई नियन्त्रणमा लिएको थियो । डाक्टर राजमणि यादव, डाक्टर सुरेन्द्रकुमार चौधरी र डाक्टर अभिषेक यादवलाई प्रहरीले नियन्त्रणमा लिएको थियो । तर नियन्त्रणमा लिएका तीनै जना चिकित्सकलाई प्रहरीले छोडिसकेको छ । जिल्ला प्रहरी कार्यालय डोटीका सूचना अधिकारी एवं प्रहरी…

काठमाडाैं- ललितपुरमा रहेको बी एण्ड बी अस्पताल २८औं वर्षमा प्रवेश गरेको छ । हिजो एक कार्यक्रमकाबीच बी एण्ड बी अस्पतालले आफ्नो २७औं वार्षिकउत्सव मनाएको छ । सो अवसरमा संस्थापक जगदिश लाल वैद्यले निजी भएतापनि बी एण्ड बी नेपालको सबैभन्दा ठूलो अस्पताल रहेको बताए । ३ सय बेड रहेको अस्पतालमा करिब एघार सय व्यक्तिले रोजगार पाएको वैद्यको भनाइ छ । जसमध्ये २ सयजना चिकित्सक र ४ सय नर्स लगायतका अन्य कर्मचारी रहेको उनले बताए । वैद्य एण्ड बास्कोटाको नामबाट परिचित बी एण्ड बी अस्पताल सुरुमा ५० बेडबाट सुरु गरिएको थियो । अहिले यो अस्पताललाई चरणवद्ध रुपमा विकास गरि चौथो चरणमा पुर्याइएको…

काठमाडाैं- दिल्लीमा वायु प्रदूषणका कारण श्वासप्रश्वासको समस्या तीव्र गतिमा बढिरहेको छ । दिल्ली-एनसीआरको हावामा प्रदूषणको स्तर यति खतरनाक स्तरमा पुगेको छ कि श्वासप्रश्वासको संक्रमणका कारण मानिसहरू अस्पतालमा भर्ना हुनु परिरहेकाे छ । भारतीय सञ्चार माध्यमका अनुसार दिल्लीमा साइलेन्ट निमोनियाका केसहरू अचानक बढ्दै गएका छन् । यो रोग विशेष गरी ती व्यक्तिहरूमा देखिन्छ जसको श्वासप्रश्वास प्रणाली कमजोर छ वा जो पहिले नै कुनै अन्य रोगबाट पीडित छन् । वायु प्रदुषणका कारण यस्ता घटना भएको हुनसक्ने चिकित्सकहरुको डर छ । साइलेन्ट निमोनियामा, मानिसहरूले निमोनियाका हल्का लक्षणहरू देख्छन् र अक्सर मानिसहरूले तिनीहरूलाई बेवास्ता गर्छन् । बिस्तारै यो निमोनिया गम्भीर बन्दै जान्छ र फोक्सोको…

काठमाडौं- गण्डकी प्रदेश स्वास्थ्य मन्त्रालयले प्रदेश अन्तर्गतका अस्पतालहरुमा एन्टिबायोटिक सेन्सेटिभिटी जाँच गरेर मात्रै बिरामीमा एन्टिबायोटिक प्रयोग गर्न पत्राचार गरेको छ । स्वास्थ्य आपूर्ति शृंखला व्यवस्थापन समितिको निर्णयपछि कात्तिक १४ गते नै सबै अस्पतालमा पत्र पठाइसकिएको प्रदेश स्वास्थ्य प्रशासक डा रमेश कुमार केसीले बताए ।  उनका अनुसार प्रदेश स्वास्थ्य आपुर्ति व्यवस्थापन केन्द्र, गण्डकी प्रदेशद्वारा गत वर्ष गरेको अनुसन्धानले पनि गण्डकी प्रदेशमा एएमआरको समस्या बढिरहेको देखाएको छ । त्यसैका आधारमा २०८१/ असोज १३ गते बसेको स्वास्थ्य आपूर्ति शृंखला व्यवस्थापन समितिको बैठकले अस्पतालहरुमा एन्टिबायोटिक सेन्सेटिभिटी जाँच गरेर प्रेस्क्राइब गर्न पत्राचार गर्ने निर्णय गरेको थियो ।

काठमाडौं – पूर्वमुमाबडामहारानी रत्न राज्यलक्ष्मी शाह उपचारपश्चात शुक्रबार अस्पतालबाट डिस्चार्ज हुने भएकी छन् । ९७ वर्षीया पूर्वमुमाबडामहारानी शाहको स्वास्थ्यमा अचानक समस्या आएपछि आइतबार थापाथलीस्थित नर्भिक अस्पताल भर्ना गरिएको थियाे । चिकित्सकहरूका अनुसार उनलाई माइल्ड निमाेनिया भएकाे थियाे । ५ दिनकाे उपचारपछि उनकाे आज शुक्रबार डिस्चार्ज हुने स्राेतले जानकारी दिएकाे हाे । उनी नारायणहिटी दरबार परिसरमा महेन्द्र मञ्जिलमा बस्दै आएकी छन् ।

डोटी- डोटीको राजपुरस्थित सुजङ अस्पतालमा उपचारका क्रममा एक बालिकाको मृत्यु भएपछि प्रहरीले तीन जना चिकित्सकलाई नियन्त्रणमा लिएको छ । नियन्त्रणमा लिइएका चिकित्सकहरूमा डा. राजमणि यादव, डा. सुरेन्द्र कुमार चौधरी र डा. अभिषेक यादव रहेका छन् । घरमै खेल्ने क्रममा लडेर बायाँ हात भाँच्चिएर घाइते भएकी डोटी दिपायल सिलगढी नगरपालिका–३, दिपायलकी ९ वर्षीया रजनी भुलको उपचारको क्रममा मृत्यु भएको थियाे । सामान्य उपचारपछि बुधबार राति करिब ८ बजे शल्यक्रियाका लागि बालिकालाई बेहोस गर्ने क्रममा औषधिले रियाक्सन गरी मृत्यु भएको जिल्ला प्रहरी कार्यालय डोटीले जनाएको छ । बालिकाका आफन्तले डाक्टरको लापरबाहीका कारण मृत्यु भएको भनेपछि प्रहरीले उपचारमा संलग्न तीन जना चिकित्सकहरू नियन्त्रणमा…

बाजुरा- जिल्ला अस्पताल बाजुरामा अक्सिजन अभाव भएकाे छ । अस्पतालमा रहेको अक्सिजन प्लान्टमा समस्या आएपछि अक्सिजन अभाव भएकाे हाे । अक्सिजन प्लान्टमा समस्या आएपछि दुई महिनादेखि अक्सिजन अभाव भएको अस्पतालले जनाएकाे छ । भदौ महिनामा अस्पतालमा रहेकाे अक्सिजन प्लान्ट मेसिन बिग्रिएपछि असोज २० गते मर्मत गरेर अक्सिजन सेवा पुनः सुरु गरेपनि २ दिनपछि फेरि समस्या आएर करिब २ महिनादेखि अक्सिजन अभाव भएको अस्पतालले जनाएको छ । अक्सिजन प्लान्टमा खरावी आएपछि जिल्ला अस्पतालमा रहेका अक्सिजन सिलिण्डरहरु रित्तिएका छन् । अस्पतालका सूचना अधिकारी नृपराज गिरीले अक्सिजन प्लान्ट मर्मतका लागि कम्पनीलाई भनिसकेको र त्यसका पाटपुर्जा नेपालमा नपाइने भएकाले समय लागेकाे बताए । उनले…

काठमाडौँ- डा.ओम फाउन्डेसनले महोत्तरीको बलवा नगरपालिकास्थित धमौरामा तीन दिने निःशुल्क स्वास्थ्य शिविर सञ्चालन गरेको छ । शिक्षा तथा समाजसेवी स्व.तेजनारायण सिंहको दोस्रो वार्षिक पूण्यतिथिको सन्दर्भमा फाउन्डेसनले शिविर सञ्चालन गरेको हो । विशेषज्ञ चिकित्सक, चिकित्सा शास्त्र अध्ययन गरिरहेका विद्यार्थी तथा स्वास्थ्यकर्मीहरूको समूहले बलवा नगरपालिकाको ग्रामीण भेगका न्यून आय भएका तथा सीमान्तकृत समुदायका मानिसको मुटुरोग, मधुमेह, उच्च रक्तचाप, कोलस्टोरेललगायतका जाँच गर्नुका साथै अन्य स्वास्थ्य समस्याका बारेमा आवश्यक परामर्श दिएको थियो । शिविरमा इको, इसिजी, सुगर जाँच गरी एक महिनासम्मका लागि निःशुल्क औषधिसमेत प्रदान गरिएको थियो । शिविरमा स्थानीयवासीलाई खानपान, स्वास्थ्यसम्बन्धी सचेतना गराइएको फाउन्डेशनले जनाएको छ । बुधबार सम्पन्न शिविरमा तीन सय बढीले…