स्वास्थ्य डायरी

काठमाडौं – स्रोत अभावका कारण सञ्चालनमा आउन नसकेका देशभरका ५७ वटा आधारभूत अस्पताललाई आगामी साउनदेखि सेवा सञ्चालनमा ल्याउने तयारी स्वास्थ्य तथा जनसंख्या मन्त्रालयले थालेको छ। निर्माण सम्पन्न भएर पनि वर्षौंदेखि बन्द अवस्थामा रहेका तथा पूर्ण क्षमतामा सञ्चालनमा आउन नसकेका आधारभूत अस्पताललाई सञ्चालन गर्न स्वास्थ्य मन्त्रालयले आवश्यक तयारी तीव्र बनाएको हो। स्वास्थ्य मन्त्री प्रदीप पौडेलको पहलमा अस्पताल सञ्चालनका लागि जनशक्ति, उपकरण, औषधि, रिएजेन्ट लगायतका आवश्यक स्रोत व्यवस्थापनको कार्ययोजना बनाइँदैछ। मन्त्रालयले “आधारभूत अस्पताल सञ्चालन मापदण्ड २०८२” तयार गरिसकेको छ। साथै, मन्त्रालयका नीति, योजना तथा अनुगमन महाशाखाका प्रमुख डा. कृष्ण प्रसाद पौडेलको संयोजकत्वमा कार्यदल गठन गरिएको छ। उक्त कार्यदलले अस्पताल सञ्चालनमा संघ, प्रदेश…

नुवाकोट- नुवाकोटको किस्पाङ गाउँपालिकाले अपाङ्गता भएका व्यक्तिहरूको स्वास्थ्य परीक्षण उनीहरूको घरमै पुगेर गरेको छ । स्वास्थ्य संस्थासम्म जान नसक्ने अवस्था भएका अशक्त व्यक्तिहरूको सहजताका लागि गाउँपालिकाले यस्तो पहल गरेको हो । गाउँपालिकाको समन्वयमा त्रिशूली अस्पतालमा कार्यरत डा. कैलाश विश्वकर्माको नेतृत्वमा चिकित्सक टोलीले पहिलो चरणमा १२ जना अपाङ्गता भएका व्यक्तिको स्वास्थ्य जाँच गरेको किस्पाङ गाउँपालिका कार्यालय, काहुलेले जानकारी दिएको छ । गाउँपालिकाका उपाध्यक्ष अर्जुन न्यौपानेका अनुसार केही अपाङ्गता भएकाको भने घरमै पुगेर स्वास्थ्य परीक्षण गरिएको थियो । यस अभियानलाई आगामी दिनमा पनि निरन्तरता दिइने प्रमुख प्रशासकीय अधिकृत चक्रबहादुर शाहीले बताए । उहाँका अनुसार यस कार्यक्रमबाट दैनिक जीवनमा कठिनाइ भोगिरहेका अपाङ्गता भएका…

काठमाडौं – नेपालमा क्यान्सर उपचारको अग्रणी संस्था नेपाल क्यान्सर हस्पिटल एण्ड रिसर्च सेन्टरले आफ्नो ८औं वार्षिकोत्सव मंगलबार विविध कार्यक्रमका साथ मनाएको छ। “नेपालीको क्यान्सरको उपचार नेपालमै” भन्ने मूल नाराका साथ स्थापना भएको अस्पतालले क्यान्सर उपचारमा गुणस्तरीय सेवा प्रदान गर्दै आएको छ। वार्षिकोत्सव समारोहमा बोल्दै अस्पतालका मेडिकल निर्देशक डा. विजेशराज घिमिरेले हाल अस्पतालले अब्बल सेवा प्रदान गर्दै आएको उल्लेख गर्दै आगामी दिनमा ती सेवाहरूलाई अझ गुणस्तरीय र व्यापक बनाउने प्रतिबद्धता जनाए। उनले भने, “हामी नेपाली बिरामीले विदेश जान नपर्ने वातावरण बनाउन सफल भएका छौं। अब सेवाको गुणस्तर थप उचाइमा लैजाने हाम्रो लक्ष्य हो।” त्यस्तै, अस्पतालका अध्यक्ष डा. सुदीप श्रेष्ठले अस्पतालको स्थापना…

कैलाली- भारतबाट आएका तीनजनामा कोरोना संक्रमण भेटिएको छ । सुदूरपश्चिमको कैलालीस्थित गौरीफन्टा नाकाबाट भित्रिएका ३६ जनाको कोरोना परीक्षण गर्दा ३ जनामा संक्रमण पुष्टि भएको सुदूरपश्चिमको प्रादेशिक आपतकालीन कार्य सञ्चालन केन्द्रले जनाएको छ । यद्यपि उक्त भाइरस भारतमा फैलिएको कोरोनाको नयाँ जेएन १ भेरिअन्ट हो या होइन भनेर पुष्टि भने भएको छैन । त्यसका लागि परीक्षण गरिने केन्द्रले जनाएको छ ।

काठमाडौँ- काठमाडौँको कालीमाटी तरकारी बजारमा नेपालका विभिन्न जिल्लाबाट भित्रिएको तरकारीको विषादी परीक्षण गर्दा सबै नमुनामा विषादीको अवशेष सुरक्षित सीमाभित्र रहेको पाइएको छ। महानगरपालिकाको कृषि तथा पशुपन्छी विकास विभाग र खाद्य प्रविधि तथा गुण नियन्त्रण विभागको संयुक्त टोलीले सोमबार राति १० बजेदेखि बिहान ३ बजेसम्मको समय अवधिमा घुम्ती खाद्य प्रयोगशाला (मोबाइल भ्यान) प्रयोग गरी १७४ वटा तरकारी, फलफूल र सुकेको माछाका नमुना संकलन गरी परीक्षण गरेको हो। खाद्य प्रविधि तथा गुण नियन्त्रण विभागका वरिष्ठ खाद्य अनुसन्धान अधिकृत डा. ईश्वर सुवेदीका अनुसार नेपालका करिब २० जिल्लाबाट काठमाडौँ भित्रिएका तरकारीको नमुना परीक्षण गर्दा सबैमा विषादीको मात्रा मापदण्डभित्र रहेको पुष्टि भएको हो। टोलीमा वरिष्ठ…

काठमाडौँ – काठमाडौँ महानगरपालिकाले सञ्चालन गरेको एक महिने क्यान्सर परीक्षण शिविरमा परीक्षण गरिएका २,५६४ महिलामध्ये १२६ जनामा ह्युमन पेपिलोमा भाइरस (एचपीभी) पोजेटिभ देखिएको छ। शिविर महानगर र राष्ट्रिय चिकित्सा विज्ञान प्रतिष्ठान (न्याम्स)को सहकार्यमा चैत १२ देखि वैशाख १२ सम्म सञ्चालन गरिएको थियो। शिविरमा सहभागी चिकित्सक टोलीले सोमबार महानगरलाई नतिजासहितको प्रतिवेदन बुझाएको हो। वीर अस्पतालकी क्यान्सर विशेषज्ञ प्रा. डा. सन्ध्या चापागाईँका अनुसार एचपीभी पोजेटिभ देखिएको भन्दैमा क्यान्सर भएको भन्ने अर्थ नलाग्ने बताइन्। तर, एचपीभी संक्रमणले भविष्यमा क्यान्सरको जोखिम बढाउने भएकाले सचेत रहनुपर्ने उनको भनाइ थियो। १२६ पोजेटिभ केसमध्ये १३ जनामा एचपीभी–१६ र १५ जनामा एचपीभी–१८ देखिएको छ। बाँकी ९८ जनाको संक्रमण…

चितवन- चितवनका एक अटोचालकले क्यान्सरका बिरामीलाई निःशुल्क सेवा दिँदै आएका छन्। उनले हरेक दिन बिहान ७ देखि १० बजेसम्म नारायणगढको पुल्चोकबाट बिपी कोइराला मेमोरियल क्यान्सर अस्पतालसम्म निःशुल्क सेवा दिँदै आएका हुन्।  पर्साको ठोरी गाउँपालिका–१ का स्थायी बासिन्दा २६ वर्षीय आकाश अर्यालले क्यान्सरका बिरामीको सेवा गर्दै आएका हुन्।  पश्चिम नेपालबाट रात्रि बसमा आएका बिरामीहरू बसबाट झर्नेबित्तिकै क्यान्सर अस्पतालसम्म पुग्न अटो चढ्नुपर्छ। विगत चार वर्षदेखि भरतपुरमा अटो चलाउँदै आएका उनले धेरै क्यान्सर बिरामीका कथा सुने । कतिपय बिरामीले उपचारमा सम्पत्ति सकिएको, औषधि किन्न पैसा नभएको, खाना र बस्न पनि समस्या भएको आफ्नो दुखेसो अटोमा चढ्दै गर्दा उनीसँग पोख्थे । उनले भने, “मैले आफ्नो…

अछाम – सुदूरपश्चिम प्रदेश सरकारले अछामस्थित बयालपाटा अस्पताललाई ५० शय्याको प्रदेशस्तरीय अस्पतालको रूपमा सञ्चालन गर्ने भएको छ। आर्थिक वर्ष २०८२/८३ का लागि सार्वजनिक नीति तथा कार्यक्रममा प्रदेश प्रमुख नजिर मियाँले अस्पतालको स्वामित्व प्रदेश सरकारले ग्रहण गरी सञ्चालन गर्ने घोषणा गरेका हुन्। विगत १६ वर्षदेखि न्याय हेल्थ नेपालले बयालपाटा अस्पतालको व्यवस्थापन गर्दै आइरहेको थियो। तर हालै न्याय हेल्थ नेपालले अस्पतालको भविष्य व्यवस्थापनका लागि दुई विकल्पसहित प्रदेश सरकारलाई पत्र पठाएको थियो। प्रदेश सरकारले दोस्रो विकल्प हालकै एकीकृत स्वास्थ्य सेवा प्रणाली अनुसार अस्पताल सञ्चालन गर्ने निर्णय गरेको हो। त्यसपछि मुख्यमन्त्री स्तरीय बैठकबाट सामाजिक विकास मन्त्री मेघराज खड्काको संयोजकत्वमा निर्देशक समिति र डा. चेतराज…

मुस्ताङ- यहाँको घरपझोङ गाउँपालिकासहित चार स्थानीय तहलाई ‘पूर्ण खोप सुनिश्चितता तथा दिगोपना पालिका’ घोषणा गरिएको छ । ‘स्थानीय स्रोतको उपयोग, स्वामित्व, सहभागिता, पूर्ण खोप गाउँपालिकाका हाम्रो प्रतिबद्धता’ नारासहित ती स्थानीय तहलाई पूर्ण खोप सुनिश्चितता पालिका घोषणा गरिएको हो । यहाँका घरपझोङ, लोमान्थाङ, लोघेकर दामोदरकुण्ड र थासाङ गाउँपालिकालाई पूर्ण खोप सुनिश्चितता तथा दिगोपना पालिका घोषणा गरिएको जनस्वास्थ्य कार्यालय मुस्ताङका तथ्याङ्क अधिकृत राजन पहाडीले जानकारी दिए । उनका अनुसार मुस्ताङका पाँच पालिकामध्ये चार पालिकाले पूर्ण खोप घोषणा गरेको र केही दिनमा वारागुङ मुक्तिक्षेत्रले पनि पूर्ण खोप सुनिश्चितता तथा दिगोपना घोषणा गर्ने कार्यक्रम रहेको छ । घरपझोङले आज यहाँ एक कार्यक्रम गरी पालिकालाई…

कालिकोट- कालिकोटको खाँडाचक्र नगरपालिका–३ स्थित आधारभूत स्वास्थ्य तथा सरसफाइ केन्द्रमा अव्यवस्थापन, सेवाप्रति बेवास्ता र औषधिको चरम अभाव देखिएको भन्दै स्थानीयले सोमबार ताला लगाएका छन्। स्वास्थ्य केन्द्रमा टाउको दुखेको र खोकी लागेको बिरामी औषधि लिन गएका बेला कार्यालय सहयोगीले ‘आइरन चक्की’ दिएपछि स्थानीय आक्रोशित भएका हुन्। बिरामीलाई यसरी असम्बन्धित औषधि दिइएको घटनाले नागरिकको ज्यानसँग खेलवाड भएको भन्दै उनीहरूले केन्द्रमा ताला लगाएका हुन्। स्थानीयका अनुसार स्वास्थ्य केन्द्रका कर्मचारीहरू करिब दुई हप्ता अघिदेखि कार्यालयमा अनुपस्थित छन्। नियमित समयमै सेवा नदिने, औषधि वितरण नगर्ने, र बिरामीलाई धम्क्याउनेजस्ता गतिविधि भइरहेकाले सेवाग्राहीहरू निराश छन्। “पावर र पहुँच देखाउँदै पटक–पटक बिरामीलाई धम्क्याउने र हेपाहा व्यवहार गर्ने गरिएको…