काठमाडौँ- राष्ट्रिय मानव अधिकार आयोगले अविरल वर्षाका कारण प्रभावितको उद्धार, राहत, बसोबास र स्वास्थ्योपचारमा जुट्न सरोकार भएका सबैलाई आग्रह गरेको छ । प्राकृतिक विपत्तिबाट हुनसक्ने क्षतिलाई न्यूनीकरण गर्न, प्राकृतिक विपद्को रोकथाममा पूर्वतयारी अपनाउन, विपद्पश्चात् तत्काल उद्धार, राहतको प्रभावकारी व्यवस्था मिलाउन आयोगले सरोकार भएकालाई आग्रह गरेको हो । ‘बेपत्ता भइरहेकाको खोजीकार्यलाई निरन्तरता दिन, घाइतेको सबै प्रकारका स्वास्थ्योपचारको निःशुल्क व्यवस्था मिलाउन तथा बसोबासको व्यवस्था गर्न आयोग नेपाल सरकारलाई आग्रह गर्दछ’, आयोगका प्रवक्ता डा टीकाराम पोखरेलले सोमबार जारी प्रेस विज्ञप्तिमा भनिएको छ, ‘प्रकृतिक विपद्पछि खाद्यान्नसहित उपभोग्य सामग्रीमा हुनसक्ने कृत्रिम अभाव, अस्वाभाविक मूल्यवृद्धि र सङ्क्रामक रोग फैलिनसक्ने अवस्थाप्रति सचेत रहन एवं यस विपद्को अवस्थामा…
स्वास्थ्य डायरी
काठमाडौं- स्वास्थ्य तथा जनसंख्या मन्त्रालयले जलनको उपचार निःशुल्क बनाउने तयारी गरेको छ । मन्त्री नियुक्त भएलगत्तै सार्वजनिक गरेको योजना तथा प्राथमिकतामा स्वास्थ्य तथा जनसंख्या मन्त्री प्रदीप पौडेलले जलनसम्बन्धी उपचार निःशुल्क र सहज बनाउने योजना बनाएका थिए । मन्त्री पौडेलको प्राथमिकताअनुसार मन्त्रालयले जलन उपचार निःशुल्क बनाउन प्रक्रिया अघि बढाएको हो । मन्त्रालयले यससम्बन्धी प्रस्ताव अर्थ मन्त्रालयमा लगेकामा अर्थले हालै स्वीकृति दिएको छ । मन्त्रालयले आफ्नै विद्यमान श्रोतबाटै व्यवस्थापन गर्ने गरी जलनको उपचार निःशुल्क बनाउनुका साथै सातै प्रदेशबाट उपचार थाल्ने गरी गृहकार्य गरिरहेको छ । हाल कीर्तिपुर अस्पतालबाट उपचार भैरहेकामा गत भाद्रमा वीर अस्पतालमा जलन वार्ड स्थापना गरिसकिएको छ । मन्त्रालयले सातैवटा…
वीरगञ्ज – पर्साको पोखरिया नगरपालिकामा रहेको पोखरिया अस्पतालको स्तरोन्नति गर्न माग गर्दै धर्ना कार्यक्रम सुरु भएको छ । अस्पताललाई प्रादेशिक अस्पताल बनाउन माग गर्दै राष्ट्रिय मुक्ति क्रान्ति नेपालले आइतबारदेखि धर्ना कार्यक्रम सुरु गरेको हो । अनिश्चितकालीन धर्ना कार्यक्रम आइतबारदेखि दैनिक दुई घण्टा सुरु गरिएको राष्ट्रिय मुक्ति क्रान्ति नेपाल पार्टीका केन्द्रीय सदस्य नेजामुद्दिन समानीले बताए । कार्यक्रमअन्तर्गत सोमबार पनि दिउँसो १ बजेदेखि ३ बजेसम्म अस्पताल परिसरमा धर्ना दिइएको उनले बताए । पोखरिया अस्पतालमा सहज उपचार सेवा तथा अस्पतालमा चिकित्सकदेखि ओषधिलगायतको व्यवस्थाको बारेमा विगत लामो समयदेखि माग गर्दै आएको भए पनि कुनै सुनुवाइ नभएपछि दबाबस्वरुप अस्पताल परिसरमै धर्ना दिइएको समानीले बताए ।…
बुटवल- लुम्बिनी प्रदेशलाई पूर्ण खाेप सुनिश्चित तथा दिगाेपना घाेषणा गरिएको छ । ५९ महिनासम्मका सबै बालबालिकाहरूले राष्ट्रिय खाेप तालिका बमाेजिम पाउनुपर्ने सबै मात्रा खाेप लिएकाे अवस्थालाई सुनिश्चित गरिएपछि लुम्बिनी प्रदेशका मुख्यमन्त्री चेतनारायण आचार्यले प्रदेशलाई पूर्णखाेप सुनिश्चित भएको घाेषणा गरेका हुन् । लुम्बिनी प्रदेशमा आर्थिक वर्ष २०८०/०८१ को रणनीति अनुसार १६ देखि ५९ महिनाका १३० जना शून्य डाेजका र दुई हजार तीन सय ४३ जना खाेप लगाउन छुटेका ड्रप आउट बालबालिकालाई खाेजी गरेर पूर्ण खाेप लगाएपछि प्रदेश पूर्ण खोप सुनिश्चित घोषणा भएको हो । लुम्बिनी प्रदेशमा दुई लाख ६२ हजार ८ सय ५६ जना बालबालिकाले पूर्ण खाेप पाएकाे प्रदेश स्वास्थ्य निर्देशनालयले…
काठमाडौं- नेपाल क्यान्सर अस्पतालले पीआईसीसी/पीओआरटी लाइन केयर कार्यशाला गोष्ठी सम्पन्न गरेकाे छ । कार्यशालामा अस्पतालका चिकित्सक तथा नर्सिङ सुपरभाइजर तथा इन्चार्जहरुले प्रशिक्षण दिएका थिए । कार्यशालामा विभिन्न अस्पतालमा कार्यरत ५२ जना नर्सहरुको सहभागिता रहेको थियो । कार्यक्रममा पीआईसीसी/पीओआरटी केयर सम्बन्धी विषयगत तथा अभ्यासका कक्षाहरु सञ्चालन गरिएको थियो । सहभागीहरूलाई पीआईसीसी/पीओआरटी लगाउन हुने तथा नहुने अवस्था र फाइदा बेफाइदा, पीआईसीसी/पीओआरटी लगाउने विभिन्न नशाहरुको बारेमा ज्ञान प्रदान, लगाउने विधी, आउने विभिन्न समस्या र हल गर्ने उपायबारे ज्ञान र उचित हेरचार र सुरक्षित प्रयोगकारे ज्ञान दिइएकाे थियाे । क्यान्सरको विरामीको उपचारको पद्धतीमध्ये किमो थेरापी पनि एक हो । केमोथेरापीले बिरामीका नशालाई बिगार्न सक्ने…