स्वास्थ्य डायरी

काठमाडौँ- पोषणको क्षेत्रमा पैरवी गर्दै आएको ‘पोषणका लागि नागरिक समाज सञ्जाल नेपाल’ (सिसान)को अध्यक्षमा दीपक थापा निर्वाचित भएका छन् । सिसानको दोस्रो अधिवेसनले अध्यक्षमा दीपक थापालाई अध्यक्षमा निर्वाचित गरेको हो । सिसानको निवर्तमान अध्यक्ष प्राडा.उमा कोइराला हुन् । यसैगरी अधिवेशनले उपाध्यक्षमा सुनिल श्रेष्ठ, सचिवमा नन्दराज अधिकारी र कोषाध्यक्षमा डा.ज्योति श्रेष्ठलाई निर्वाचित गरेको छ ।यस्तै सदस्यहरुमा सरोज ढुङ्गेल, रोशनी श्रेष्ठ, जनक थापा, सुदिप चिलुवाल, रिता गुरुङ र माधबी प्रधान निर्वाचित भएका छन् । पोषणका लागि नागरिक समाज सञ्जालले नेपालमा पोषणको क्षेत्रमा पैरवी गर्दै आइरहेको छ । सिसानले पोषण सम्बन्धि कार्यक्रमको कार्यान्वयनको अवस्था, जनचेतना लगायतका विषयमा काम गर्दै आइरहेको छ । यस्तै…

ललितपुर- ललितपुरमा पालिएका बङ्गुरमा अफ्रिकन ‘स्वाइन फिभर’ को सङ्क्रमण देखिएपछि दुई सय बढी बङ्गुर मरेका छन् । ‘स्वाइन फिभर’ सङ्क्रमणका कारण खोरमा रहेका बङ्गुर धमाधम मर्न थालेपछि किसानमा चिन्ता बढेको हो । जिल्ला पशुसेवा कार्यलय ललितपुरले खोरमा रहेका बङ्गुर मर्न थालेपछि परीक्षण गर्दा अफ्रिकन ‘स्वाइन फिभर’ को सङ्क्रमण देखिएको जनाएको छ । महानगरपालिका पशुसेवा विभागले बङ्गुर मर्न थालेपछि केन्द्रीय पशुरोग अन्वेषण प्रयोगशाला त्रिपुरेश्वरमा गरेको पिसिआर परीक्षणको नतिजाअनुसार जिल्लाको नख्खु करिडोर छेउछाउमा किसानले पालेका बङ्गुरमा अफ्रिकन ‘स्वाइन फिभर’ देखा परेको हो । कात्तिकको अन्तिम साता नख्खु खोला आसपासमा किसानले पालेका बङ्गुरमा रोग देखिएर मर्न थालेका बताउँदै अहिले पनि सङ्क्रमण फैलिँदै गएको…

काठमाडौँ- नेपाल नर्सिङ सङ्घको २०औँ केन्द्रीय कार्यसमितिको निर्वाचनका लागि तीन समूहले उम्मेदवारी घोषणा गरेका छन् । संयुक्त प्रगतिशील समूह, संयुक्त पेसागत समूह र स्वतन्त्र समूहले आ–आफ्नो उम्मेदवारी घोषणा गरेका हुन् । प्रगतिशील समूहबाट चन्द्रकला शर्मा, पेसागतबाट गङ्गाकुमारी थापा र स्वतन्त्रबाट वसन्ती थापाले उम्मेदवारी घोषणा गरेर चुनावी अभियानमा रहेको छ । सङ्घको आगामी मङ्सिर २८ गते १४ सदस्यीय कार्यसमिति र तीन सदस्यीय नर्सिङ परिषद्को निर्वाचन हुँदैछ । उक्त निर्वाचनमा देशभरिका २० स्थानमा १५ हजार पाँच सय ४९ जना मतदाताले सहभागिता जनाउने नर्सिङ सङ्घले जनाएको छ । प्रगतिशील समूहकी अध्यक्ष पदका उम्मेदवार शर्माले आफ्नो समूहसँग सङ्घलाई व्यवस्थित र पारदर्शी रूपमा सञ्चालन गर्ने…

काठमाडौं- कृषि तथा पशुपन्छी विकास मन्त्रालयले ३ वटा जीवनाशक विषादी नेपालमा प्रतिबन्ध लगाएको छ । मन्त्रालयले राजपत्रमा सूचना प्रकाशित गर्दै २ कीटनाशक र एउटा झारपातनाशक विषादी प्रतिबन्ध लगाएको हो । ‘पाराक्वाट/पाराडाइक्लोराइड’ नामक झारपातनाशक विषादी, ‘क्लोरोपाइरिफस’ र ‘फोरेट’ नामक किटनाशक विषादीमा प्रतिबन्ध लगाइएको हो । यो यी विषादी अब उत्पादन, संश्लेषण, निकासी र पैठारीमा प्रतिबन्ध हुनेछ । मन्त्रालयका अनुसार सूचना प्रकाशन हुनुअघि नेपालमा पैठारी भएका विषादी खपत गर्न दुई वर्षको समयावधि तोकिएको छ ।

ललितपुर- ललितपुर महानगरपालिकाका प्रमुख चिरीबाबु महर्जनले ललितपुर महानगरले स्वास्थ्य क्षेत्रमा सबैले सिक्न योग्य हुनेगरी काम गर्नुपर्नेमा जोड दिएका छन् । विश्व स्वयंसेवक दिवसका अवसरमा महानगरद्वारा हिजाे ललितपुरमा आयोजित २५औँ राष्ट्रिय महिला सामुदायिक स्वास्थ्य स्वयंसेविका दिवसमा बोल्दै उनले महिला स्वास्थ्य स्वयंसेविकाहरुले उत्कृष्ट काम गरेको बताए । उनले स्वास्थ्य स्वयंसेविकाहरुका लागि प्रत्येक वर्ष कुनै न कुनै काम गरिरहेको उल्लेख गरे । “तपाईंहरुको हरेक कामको मूल्याङ्कन हुन्छ, यस वर्ष स्वयंसेवक कोषमा नौ लाख रुपैयाँ जम्मा गरिदिनेछौँ”, प्रमुख महर्जनले भने । उनले दिगो विकास लक्ष्य २०३० को उपलब्धि हासिल गर्न बालबालिकाको मृत्युदर र मातृ मृत्युदर कम गर्न स्वयंसेविकाहरुलाई जिम्मेवारीपूर्वक लाग्न आग्रह गरे । महानगरका…

चितवन- भरतपुर अस्पतालले विपन्न बिरामी र कुरुवालाई लक्षित गरी ‘कपडा बैंक’ स्थापना गरेको छ । दिनसक्नेले कपडा दान गर्ने र विपन्नले लैजान सक्ने गरी बैंक स्थापना गरिएको हो । भरतपुर अस्पतालका प्रमुख मेडिकल सुपरिटेण्डेण्ट प्राडा कृष्णप्रसाद पौडेलका अनुसार कपडा पर्याप्त नभएका विपन्न वर्गका बिरामी र कुरुवालाई राहत होस् भनेर बैंक स्थापना गरिएको हो । उनले घरमा रहेका दान गर्न मिल्ने कपडा बैंकमा राख्न सकिने बताए । उनले भने– “कतिपय कपडा नलगाइ पुराना भएका हुन्छन् । कतिपय सानो वा ठूला भएका हुन्छन् । त्यस्ता कपडा यहाँ दान गर्न सकिन्छ ।” अस्पतालका सर्जन डा. दीपेन्द्र न्यौपानेको नेतृत्वमा रामहरि ढकाल र प्रभा गुरुङ…

काठमाडौँ- स्वास्थ्य तथा जनसङ्ख्या मन्त्रालयले डा अनुप बास्तोलाको संयोजकत्वमा गुनासो सुनुवाइ एकाइ गठन गरेको छ । उक्त एकाइमा संयोजक बास्तोलासहित सूचना प्रविधि निर्देशक रमेशराज सुवेदी, शाखा अधिकृत गौरीप्रसाद आचार्य र सूचना अधिकारी सदस्यको रूपमा रहेका छन् । स्वास्थ्य मन्त्रालय र मातहत निकायहरूको काममा सेवाग्राही तथा सरोकारवालाको गुनासो सुनुवाइ गर्न, सुझावहरूको कार्यान्वयन र जिज्ञासाको सम्बोधन गर्न उक्त एकाइ गठन गरिएको मन्त्रालयका प्रवक्ता डा प्रकाश बुढाथोकीले जानकारी दिए । स्वास्थ्य तथा जनसङ्ख्या मन्त्री प्रदीप पौडेलले यही मङ्सिर १६ गते गुनासो सुन्ने एकाइ गठन गर्ने निर्णय गरेका थिए । एकाइले सेवाग्राहीबाट प्राप्त गुनासो सङ्कलन गर्ने, गुनासो सम्बोधनका लागि सम्बन्धित महाशाखामा तुरुन्त पेस गर्ने…

काठमाडाैं- कान्तिपुर डेन्टल कलेजको प्राविधिक सहयोग तथा रोटरी क्लब अफ काठमाडौं नर्थको आयोजनामा विद्यालयस्तरमै निःशुल्क दन्त परीक्षण गरिन थालिएको छ । सोही लक्ष्यअनुसार नुवाकोटको एक विद्यालयमा पनि केहीदिन अघि निःशुल्क दन्त परीक्षण तथा जनचेतना कार्यक्रमको आयोजना गरिएको छ । देवीघाटमा रहेको शहीद जगतप्रकाश जंग शाह सांस्कृतिक माविमा उक्त कार्यक्रमको आयोजना गरिएको कान्तिपुर डेन्टल कलेज तथा अस्पतालका अध्यक्ष डा बुद्धिमान श्रेष्ठले जानकारी दिए । उक्त कार्यक्रममा रोटरी क्लबका पूर्व अध्यक्षसमेत रहेका डा श्रेष्ठ, वर्तमान अध्यक्ष प्रितम पौडेल, सचिव बासुदेव श्रेष्ठ लगायतको सहभागीता थियो ।

काठमाडौँ- स्वास्थ्य तथा जनसङ्ख्यामन्त्री प्रदीप पौडेलले राष्ट्रिय खोप कार्यक्रममार्फत हेपाटाइटिस बी र हैजाविरुद्धको खोप कार्यक्रम ल्याउने योजना रहेको बताउनुभएको छ । इन्डोनेसियाको बालीमा आयोजित विश्वव्यापी खोप सहकार्यसम्बन्धी बैठकलाई सम्बोधन गर्दै उनले नेपालमा हैजा र हेपाटाइटिसविरुद्धको खोप राष्ट्रिय खोप कार्यक्रममार्फत ल्याउन लागेको जानकारी दिएकाे उनको सचिवालयले जनाएको छ । मन्त्री पौडेलले भने, “हामी हैजाको खोप ल्याउनेबारे विमर्श गरिरहेका छौँ । नेपालले यसका लागि चाँडै गाभीसँग औपचारिक अनुरोध गर्ने छ ।” उनले नेपाल नयाँ सङ्घीय व्यवस्थामा स्वास्थ्यको जनशक्ति अभाव जस्ता समस्यासँग जुधिरहनु परेको उल्लेख गर्दै हाम्रो स्वास्थ्य क्षेत्र सुदृढीकरणमा वैदेशिक सहयोग खोजेको बताए । नेपाल पाठेघरको मुखको क्यान्सर नियन्त्रणका लागि प्रतिबद्ध रहेको…

प्युठान- औषधी उपचारका लागि प्युठान आयुर्वेद स्वास्थ्य सेवा केन्द्र पुग्ने बिरामी औषधी अभावमा रित्तै फर्किने गरेका छन् । चालु आर्थिक वर्षमा औषधी खरिद हुन नसक्दा आयुर्वेद स्वास्थ्य सेवा केन्द्रमा औषधी अभाव भएको हो । आयुर्वेद स्वास्थ्य सेवा केन्द्रले २३ प्रकारका औषधी निःशुल्क वितरण गर्ने गर्दछ । त्यसमध्ये बढी माग हुने अभिपत्तिकर चुर्ण र अश्रोगन्धा चुर्ण सेवा केन्द्रमा छैन  । गत वर्ष खरिद गरेको औषधीले अहिलेसम्म काम चलाएको सेवा केन्द्रका प्रमुख शिशिर पोख्रेलले बताए  । वार्षिक छ लाख रुपियाँ मात्र औषधी खरिदका लागि रकम विनियोजन भएको समेत उनले बताए ।