दाङ : राप्ती स्वास्थ्य विज्ञान प्रतिष्ठानमा विशेषज्ञ चिकित्सकवाट युरोलोजी सेवा नियमीत रुपमा सञ्चालन भइरहेको छ । प्रतिष्ठानका निमित्त अस्पताल निर्देशक डा. जनार्दन पन्थीले विशेषज्ञबाट नै युरोलोजि सेवा नियमीत रहेको जानकारी दिए ।
पन्थीका अनुसार गएको असार ३० गतेबाट असिष्टेन्ट प्रोफेसर डा. सन्तोषकुमार झाले अस्पतालमा हाजिर भई सेवा नियमीतरुपमा दिइरहेको बताए । नोवेल मेडिकल कलेज विराटनगरमा लामोसमयदेखी कार्यरत रहेका झाँ हालै मात्रै प्रतिष्ठानमा आई साउन १६ गतेसम्म १७ वटा बढि मृगौलामा पत्थरी भएका बिरामीको दुरविन विधिबाट अप्रेसन भइसकेको प्रतिष्ठानका सुचना अधिकारी निशानदाजु भट्टराइले जानकारी दिए ।
युरोलोजि सेवामा झाँ पुराना र अनुभवि चिकित्सक मानिन्छन् । युरोलोजि विशेषज्ञ झाँले मृगौलाको पथ्थरीको अप्रेसनसहीत प्रोष्टेड, गुप्त रोग, पिसाब थैली, पिसाब नली समबन्धी उपचार सेवा बिरामीले प्राप्त गर्ने बताए । झाँले यसअघि नेपालमै पहीलोपटक दुरविन विधिवाट पाइलो प्लाष्टिक अप्रेसन गरेको बताउदै दुरविन विधीबाट अप्रेसन गर्दा घाउ नपाक्ने, घाउ चाडै निको हुने, बिरामी लामो समय अस्पतालमा बस्नु नपर्ने र खर्च पनि कम लाग्ने भएकाले यो विधि अत्यन्तै प्रभावकारी रहेको बताए ।
प्रतिष्ठानका रजिष्ट्रार प्राध्यापक श्याम लम्सालले अस्पतालको सेवा विस्तारमा ध्यान दिदै चिकित्सकहरु थपिनेक्रम जारी रहेकाले उपचार सेवा थप प्रभावकारी हुने बताए ।
