इलाम- इलाम जिल्ला अस्पतालको क्वाटरमा आगलागी भएको छ । अस्पतालको क्वाटरसँगै रहेको भान्सा घरमा आगलागी भएको हो ।
आगो निभाउने क्रममा एक जना प्रहरी जलेर घाइते भएका छन् । भान्साघरमा कोही नभएको अवस्थामा आज दिउँसो दुई बजेतिर धुवाँ आएको देखिएपछि त्यहाँ पुग्दा भित्र आगो लागिरहेको पाइएको थियो ।
आगो सुरु भएलगतै इलाम नगरपालिकाको दमकलाई खबर गरे पनि दमकल जाने बाटो साँघुरो हुँदा आगो नियन्त्रण हुन सकेको छैन ।
अहिले सशस्त्र प्रहरी, नेपाल प्रहरी, नेपाली सेना र स्थानीयले आगो निभाउन प्रयास गरिरहेका छन् ।
