स्वास्थ्य डायरी

गोदावरी- कैलारी गाउँपालिका–५ बैजपुरमा १५ शय्या अस्पताल सञ्चालनमा आउन सकेको छैन । अस्पतालको सम्पूर्ण भौतिक संरचना निर्माणकार्य सम्पन्न भए पनि बजेट अभावमा सञ्चालनमा आउन नसकेको हो । वि.सं २०८१ असार मसान्तसम्म निर्माण सक्नेगरी २०७९ असार २९ मा रोयल कन्स्ट्रक्सन जेभीसँग रु १८ करोड ५२ लाखमा ठेक्का सम्झौता भएको थियो । तोकिएको समयसीमा सकिए पनि म्याद थप गरी चालु आवको फागुन पहिलो साता सो अस्पतालको भौतिक संरचनाको निर्माण सम्पन्न भएको गाउँपालिकाका सूचना अधिकारी यगम कलेलले बताए । उनले अस्पताल भवन निर्माण सम्पन्न भए पनि ठेकेदार कम्पनीलाई भुक्तानी दिन नसक्दा भवन हस्तान्तरण हुननसकेको र अस्पताल सञ्चालनका लागि अवश्यक बजेट नहुँदा जनशक्ति व्यवस्थापनलगायत…

भोजपुर- पौवादुङमा गाउँपालिकाले महिलामा हुने ‘पाठेघर मुखको क्यान्सर’ खोजी गर्न अभियान सञ्चालन गरेको छ । बढ्दो पाठेघरको मुखको क्यान्सर नियन्त्रण, रोकथाम तथा उपचार गर्न गाउँपालिकाले अभियान सञ्चालन गरेर बिरामीको खोजी थालेको हो । शिविरमार्फत गाउँपालिकाका सबै वडाका ३० देखि ४५ वर्ष उमेर समूहका करिब छ सय महिलाको पाठेघरको मुखको क्यान्सर जाँच गर्ने लक्ष्य रहेको पौवादुङमा गाउँपालिका स्वास्थ्य शाखा प्रमुख गेहेन्द्रप्रसाद उपाध्यायले जानकारी दिए। यही चैत ३ गतेदेखि १५ गतेसम्म अभियान नै सञ्चालन गरेर पाठेघरको मुखको क्यान्सरका बिरामीको खोजी भइरहेको उनले जानकारी दिए । “हामीले अभियान नै सञ्चालन गरेर पाठेघरको मुखको क्याक्सरको परीक्षण थालेका छौँ” शाखा प्रमुख उपाध्यायले भने, “यो अभियानअन्तर्गत…

बैतडी- मौसममा आएको परिवर्तनसँगै बैतडीका गाउँगाउँमा भाइरल ज्वरोका बिरामी बढेका छन् । यहाँका अस्पताल, स्वास्थ्य संस्थामा आउने बिरामीमध्ये अधिकांश भाइरल ज्वरोका रहेका स्वास्थ्यकर्मीले बताएका छन् । सदरमुकामस्थित जिल्ला अस्पतालमा मात्रै दैनिक ५० जनाभन्दा बढी भाइरल ज्वरोका बिरामी आउने गरेका अस्पातालका सूचना अधिकारी हरिश पन्तले जानकारी दिए । उनका अनुसार दैनिक एक सय ५० जनाभन्दा बढी बिरामी आउने गरेकामा ५०–८० जनासम्म भाइरल ज्वरोका रहेका छन् । सूचना अधिकारी पन्तले भने, “अस्पतालमा दैनिक आउने बिरामीमध्ये अधिकांशमा भाइरल ज्वरो देखिन थालेको छ । मौसम परिवर्तनका कारण भाइरल ज्वरोका बिरामी बढेका हुनसक्छ । यो मौसममा हावाहुरी, धुलोधुवाले गर्दा पनि सङ्क्रमण बढ्छ ।” उनका अनुसार…

डडेल्धुरा – डडेल्धुरा मेडिकल कलेजका लागि सुदूरपश्चिम विश्वविद्यालयले चारजना उपप्राध्यापक माग गरेको छ। सुदूरपश्चिम विश्वविद्यालय स्वास्थ्य विज्ञान संकाय डीनको कार्यालय डडेल्धुराले बुधबार सूचना जारी गर्दै योग्यता पुगेका इच्छुकबाट दरखास्त आह्वान गरेको हो । यही चैत २० गतेसम्म आवेदन दिन सकिने सूचनामा उल्लेख छ । अनलाइनबाट आवेदन दिन सकिने छ ।

बैतडी – दोगडाकेदार गाउँपालिका-३ श्रीकोटस्थित सिल्लेगडा बर्थिङ एकाइमा बेबी वार्मर (नवजात शिशु तापक्रम नियन्त्रक) उपलब्ध गराइएको छ । ज्योती विकास बैंकको आर्थिक तथा राष्ट्रिय आविस्कार केन्द्रको प्राविधिक सहयोगमा बर्थिङ एकाइमा बेबी वार्मर उपलब्ध गराइएको हो । बेबी वार्मरले नवजात शिशु जन्मिँदा तापक्रमसम्बन्धी समस्या देखिएर अकालमै हुने मृत्युलाई रोक्न मद्दत गर्ने उपकरण हो । महावीर पुनको राष्ट्रिय आविष्कार केन्द्रमा निर्माण गरिएको यो उपकरण नवजात शिशुको तापक्रम नियन्त्रण गरी शिशु मृत्युदर घटाउने उद्देश्यले विगत पाँच वर्षदेखि वितरण हुँदै आएको जनाइएको छ । नवजात शिशुलाई सिताङ हुनबाट बचाउन यो मेसिनले सहयोग गर्ने श्रीकोट स्वास्थ्य चौकीका इञ्चार्ज वीरसिंह भाटले बताए ।

काठमाडौँ- आयुर्वेद क्याम्पसको स्वतन्त्र विद्यार्थी युनियनको सभापतिमा नेविसंघका निशान अर्यालको प्यानल नै विजयी भएको छ । मंगलबार सम्पन्न निर्वाचनको मतपरिणामअनुसार नेविसंघको प्यानल नै निर्वाचित भएको हो । जसअनुसार सचिवमा सागर पंगेनी, कोषाध्यक्षमा विक्रम भुजेल तथा सदस्यमा अनु मण्डल, राम भण्डारी र याङजी गौडेल विजयी भएका छन् । स्ववियु निर्वाचनमा नेविसंघ यो क्याम्पसमा चौथोपटक प्यानल नै विजयी भएको हो ।थियो । कूल खसेको मत १७८ मध्ये नेविसंघका अर्यालले ९६ मत प्राप्त गरे । उनका निकटतम प्रतिद्वन्द्वी रौशन ठाकुरले ८१ मत प्राप्त गरेका छन् भने १ मत बदर भयो । समानुपतिक मतमा पनि नेपाल विद्यार्थी संघले धेरै मत पाउँदै ३ सिट सुरक्षित…

काठमाडौं – त्रिभुवन विश्वविद्यालय अन्तर्गत चिकित्सा शास्त्र अध्ययन संस्थानको महाराजगञ्ज नर्सिङ क्याम्पसमा कांग्रेस निकट नेपाल विद्यार्थी संघ (नेविसंघ)ले बाजी मारेको छ । मंगलबार भएको स्वतन्त्र विद्यार्थी युनियन (स्ववियु) को चुनावमा एमालेको अखिल नेपाल स्वतन्त्र विद्यार्थी युनियन (अनेरास्ववियु) को बिरासत भत्काउँदै नेविसंघका उम्मेदवार विजयी भएका हुन् । यसअघि निरन्तर अखिल विजयी हुँदै आएको यो क्याम्पसमा यसपटक नेविसंघकी विन्दु पोखरेल विजयी भएकी छन् । पोखरेलले अखिलकी मनकुमारी बुढालाई एक मतको अन्तरले पराजित गरेकी हुन् । पोखरेलले २५९ मत ल्याएर विजयी हुँदा बुढाले २५८ मत पाएकी छन् । सचिव र कोषाध्यक्षमा पनि नेविसंघकै उम्मेदवार विजयी भएका छन् । एक जना सदस्यमा भने अखिलकी…

काठमाडौं – काठमाडौं विश्वविद्यालय स्कुल अफ मेडिकल साइन्स (धुलिखेल अस्पताल)का मानसिक रोग विभागका दुई चिकित्सकमाथि नेपाल मेडिकल काउन्सिलले स्पष्टीकरण माग गरेको छ । एमडी पहिलो वर्षमा अध्ययनरत एक विद्यार्थीले गत फागुन ४ गते आत्महत्याको प्रयास गरेपछि चिकित्सकहरूले उनीमाथि निरन्तर दबाब र गालीगलौज गरेको आरोप लगाइएको थियो । सोही आरोपका आधारमा मेडिकल काउन्सिलले मानसिक रोग विभागका प्रमुख डा. अजय रिसाल र डा. दीपक कुँवरलाई ‘किन कारबाही नगर्ने’ भन्दै स्पष्टीकरण सोधेको हो । यस विषयमा काउन्सिलको व्यावसायिक आचरण समितिले आरोपित चिकित्सक तथा पीडित दुवै पक्षको बयान लिएको थियो । समितिले आरोपको सत्यता पत्ता लगाउन पुनः स्पष्टीकरण सोध्ने निर्णय गरेको काउन्सिलका एक सदस्यले…

काठमाडाैं- अमेरिकापछि चीनमा पनि पहिलो पटक मानिसमा सुँगुरको मिर्गौला प्रत्यारोपण गरिएको छ । शान्सी प्रान्तस्थित सिजिङ अस्पतालमा ६९ वर्षीया महिलामा अणुवांशिक रूपमा परिमार्जित सुँगुरको मिर्गौला प्रत्यारोपण गरिएको हो । मार्च ६ मा गरिएको यो प्रत्यारोपणपछि मिर्गौलाले तुरुन्तै पिसाब उत्पादन गर्न थालेको थियो । तेस्रो दिनदेखि मिर्गौलाले सामान्य रूपमा काम गरिरहेको र छैटौँ दिनमा २४ घण्टामा ५,४६८ मिलिलिटर पिसाब उत्पादन गरेको चिकित्सकहरूले बताएका छन् । सिन्ह्वाका अनुसार, ती महिलाको मिर्गाैला आठ वर्षअघि फेल भएको थियो । उपयुक्त दाता नपाएर उनी नियमित डायलासिस गर्दै आएकी थिइन् । स्वास्थ्य जटिलता बढेपछि प्रत्यारोपण गरिएको हो । चिकित्सकहरूका अनुसार, यो उपलब्धिले मिर्गौला प्रत्यारोपणका लागि नयाँ…

भक्तपुर- बागमती प्रदेशका १३ जिल्लामा सञ्चालित सम्पूर्ण अस्पताल तथा स्वास्थ्य संस्थाहरू दर्ता, नवीकरण तथा स्तरोन्नतिका लागि ‘अनलाइन’ बाटै आवेदन दिन सकिने भएको छ । हिजो सोमबार बाग्मती प्रदेश सरकारले आफ्नो प्रदेशभित्रका स्वास्थ्य संस्थाहरूको दर्ता, नवीरकण तथा स्तरोन्नतिका लागि अनलाइन सेवा शुभारम्भ गरेको बागमती प्रदेश सरकारका स्वास्थ्यमन्त्री किरण थापा मगरले जानकारी दिए । निजीस्तरका अस्पताल तथा स्वास्थ्य संस्थाहरू दर्ता, नवीकरण र स्तरोन्नति हुनुअगाडि सम्बन्धित निकायबाट हुने अनुगमनमा आर्थिक चलखेलको आरोप लागेपछि बाग्मती प्रदेश सरकारले अनलाइनबाटै आवेदन दिने गरी सेवा सञ्चालनमा ल्याएको हो । स्वास्थ्यमन्त्री थापाले भने, “बाग्मती प्रदेशभित्रका सबै अस्पताल तथा स्वास्थ्य संस्थाहरू दर्ता तथा नवीकरण सुरु गरेका छौँ, यसका लागि…